ފާއިދާއި ޔާމީން އެޗްޑީސީގެ ވަޒީފާއިން ވަކިކޮށްފި
15 ފެބުރުއަރީ 2025 | ހޮނިހިރު 03:26ވަކިކުރިއިރު، މި ދެބޭފުޅުންނަކީ ކުރީގެ އެމްޑީ ފަޒުލްގެ ގާތް ދެ ބޭފުޅުން
އެޗްޑީސީ އޮފީސް ހުންނަ އިމާރާތް
އެޗްޑީސީގެ ކުރީގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދުގެ ބޭބެއަށް ނުހައްގުން ގޯތި ދިން މައްސަލާގައި ސަސްޕެންޑުކުރި އެ ކުންފުނީގެ ޗީފް ޑިވެލޮޕްމަންޓް އޮފިސަރު (ސީއެފްއޯ) އަބްދުﷲ ފާއިދާއި ޗީފް ބިޒްނަސް އޮފިސަރު އަދި މީޑިއާ ޑިޕާޓްމެންޓްގެ ހެޑް އަހުމަދު ޔާމީން މަގާމުން ވަކިކޮށްފި އެވެ.
އެޗްޑީސީގެ ސީއެފްއޯ އަބްދުﷲ ފާއިދުއާއި ޗީފް ބިޒްނަސް އޮފިސަރު އަހުމަދު ޔާމީން މަގާމުން ވަކިކޮށްފައިވާކަން އެ ކުންފުނީގެ މީޑިއާ އޮފިޝަލް ވަނީ "ރާއްޖެ އެމްވީ" އަށް ހުކުރު ދުވަހުގެ ރޭ ޔަގީންކޮށްދީފަ އެވެ.
އެޗްޑީސީގެ މީޑިއާ އޮފިޝަލް އެކަން ޔަގީންކޮށްދިން ނަމަވެސް އެ ދެ ބޭފުޅުން ވަކި ކުރި ސަބަބެއް ވިދާޅެއް ނުވެ އެވެ. ވަޒީފާއިން ވަކިކުރި އެ ދެ ބޭފުޅުންނަކީ އެޗްޑީސީގެ ކުރީގެ އެމްޑީ ފަޒުލްގެ ވަރަށް ގާތް ދެ ބޭފުޅުންނެވެ.
އެ ދެ ބޭފުޅުން މަގާމުން ވަކިކުރިއިރު ކަރަޕްޝަނާއި ހިޔާނާތުގެ މައްސަލައެއްގައި އެޗްޑީސީގެ މެނޭޖިން ޑިރެކްޓަރުގެ މަގާމުން ފަޒުލް ރަޝީދު މިިދިޔަ ޑިސެމްބަރު މަހު ވަނީ އިސްތިއުފާ ދެއްވައިފަ އެވެ.
ފަޒުލް އިސްތިއުފާ ދެއްވީ މާލޭ ރަށްވެހިންނަށް ގޯތި ދިނުމަށް ހިންގި "ބިންވެރިޔާ" ސްކީމުގެ ދަށުން ގޯތި ނުލިބޭ ބަޔަކަށް، ގަވާއިދާ ހިލާފަށް އެޗްޑީސީން ހުޅުމާލެއިން ގޯތިތަކެއް ދިން މައްސަލައިގައި ސަސްޕެންޑްކޮށްފައި ހުންނަވަނިކޮށެވެ.
އެ މައްސަލައިގައި ބޯޑުގެ ހުރިހާ ބޭފުޅުން ކަހަލަ ގޮތަކަށް އޭރު ސަސްޕެންޑްކުރި ނަމަވެސް ފަހުން އެ ބޭފުޅުންގެ ސަސްޕެންޝަން އުވާލައި ވަނީ އަލުން އަނބުރައި ވަޒީފާއަށް ނެރެފައެވެ. އެހެން ނަމަވެސް އަލުން ވަޒީފާ ދިނުމަށްފަހު އަނެއްކާވެސް ސަސްޕެންޝަށް ދެމެހެއްޓިއެވެ.
ބިންވެރިޔާ ސްކީމްގެ ބޮޑު ވައްކަމާއި ހިޔާނާތުގެ މައްސަލައިގައި ފުލުހުން ދަނީ ޖިނާއީ ތަހުގީގެއްވެސް ހިންގަމުންނެވެ.
