ކައިހަވަޓްޒް އަށް ބޮޑު އަނިޔާއެއް. މި ސީޒަނުގައި ދެން ނުކުޅެވޭނެ
އަނިޔާއަށް ފަހު ކުރެވުނު އެސެސްމަންޓްތަކާއި ސްޕެޝަލިސްޓުންގެ ރިވިއުތަކުން ކަށަވަރުވެފައިވަނީ އެ އަނިޔާއަށް ސަރޖަރީއެއް ކުރަން ޖެހޭނެ ކަމަށެވެ. މި ސަރޖަރީ ކުރިއަށް އޮތް ދުވަސްތަކުގައި ކުރެވޭނެއެވެ. ސަރޖަރީ ކުރުމަށްފަހު ގިނަ ދުވަސްތަކެއް ނުވަނީސް، ކައި އޭނާގެ ރިކަވަރީ އަދި ރީހެބިލިޓޭޝަން ޕްރޮގްރާމް ފަށާނެއެވެ.
އާސެނަލްގެ އެޓޭކިންގ މިޑްފީލްޑަރ، ކައި ހަވަޓްޒް އަށް އަނިޔާވެ ކުޅުމާއި ދުރަށް ދާން ޖެހުން
އާސެނަލް އަށް ކުޅެމުން އަންނަ ޖަރުމަނުގެ ޒުވާން އެޓޭކިންގ މިޑްފިލްޑަރު, ކައި ހަވަޓްޒް އަށް ބޮޑު އަނިޔާއެއްވެ، ދެން މި ސީޒަނުގައި އޭނާ ނުފެންނާނެ ކަމަށް ރިޕޯޓްތައް ބުނެފި އެވެ.
އާސެނަލް އިން ވަނީ ހަވަޓްޒް 25, ފަލަމަސްގަނޑަށް އަނިޔާވެ، އޮޕަރޭޝަނެއް ކުރަން ޖެހިފައިވާކަން ހާމަކޮށްފަ އެވެ. އަދި މި ސީޒަނުގައި އާސެނަލް ކުޅެން 13 މެޗު އޮތްއިރު, އެ 13 މެޗުގައި ހަވަޓްޒް ނުފެންނާނެ ކަމަށް އާސެނަލް އިން ވަނީ ބުނެފަ އެވެ.
އާސެނަލް އިން އެ ކުލަބުގެ ރަސްމީ ވެބްސައިޓުގައި އާންމުކުރި ބަޔާނެއްގައި ބުނެފައި ވަނީ ހަވަޓްޒް އަށް ލިބުނު އަނިޔާއާއި ގުޅީގެން ފަހުން ހެދުނު އެސެސްމަންޓްތަކާއި ސްޕެޝަލިސްޓުންގެ ރިވިއުތަކުން ކަށަވަރުވެފައިވަނީ އޭނަގެ އެ އަނިޔާއަށް ސަރޖަރީއެއް ކުރަން ޖެހޭނެ ކަމަށެވެ. މި ސަރޖަރީ ކުރިއަށް އޮތް ދުވަސްތަކުގައި ކުރެވޭނެކަމަށާއި ސަރޖަރީ ކުރުމަށްފަހު ގިނަ ދުވަސްތަކެއް ނުވަނީސް، ކައި އޭނާގެ ރިކަވަރީ އަދި ރީހެބިލިޓޭޝަން ޕްރޮގްރާމް ފަށާނެކަމަށް ވެސް ރިޕޯޓުގައި ބުނެފައިވެއެވެ. އަދި މި ޕްރޮގްރާމް ކުރިއަށް އޮތް ސީޒަނަށް ތައްޔާރުވާ ޕްރީ-ސީޒަން ތައްޔާރީތަކާ ހަމައަށް ދެމިގެންދާނެ ކަމަށް ބެލެވޭކަމަށް ވެސް ބުނެފައިވެއެވެ.
ބަޔާނުގައި އިތުރަށް ބުނެފައިވަނީ ކްލަބުގެ އެންމެހާ ފަރާތްތަކުން ވަނީ ކައި ހަވްޓްޒްގެ އަނިޔާ ވީހާވެސް އަވަހަކަށް އެންމެ ފުރިހަމައަށް ރަނގަޅުވެ އަލުން އެނބުރި ކުޅުމުގެ ތެރެއަށް އައުމަށް ބޭނުންވާ އެހީތެރިކަން ފޯރުކޮށްދިނުމަށް ފުރިހަމައަށް އަމާޒު ހިފާފައިކަމަށެވެ. އެގޮތުން ކުލަބާއި ކުލަބުގެ އެންމެހާ ފަރާތްތަކުން ކައި ހަވްޓްޒްއަށް ފުރިހަމައަށް އެއްބާރުލުން ދޭނެ ކަމަށް ވެސް އެ ބަޔާނުގައި ވެއެވެ.
ކައި ހަވަޓްޒްއަށް އަނިޔާވެފައިވަނީ ޑުބާއީގައި ކުރިއަށް ގެންދިއަ ޓްރެއިނިންގް ކޭމްޕެއްގެ ގެތެރެއިންނެވެ. އަނިޔާވެފައިވަނީ އޭނާގެ ކަނާތު ފައިގެ ފަލަމަސްގަނޑަށެވެ.
އާސެނަލްގެ ބަޔާނުގައި ވާގޮތުން ހަވަޓްޒް މުޅިން ފިޓުވާނެ ކަމަށް ބެލެވެނީ އަންނަ އަހަރުގެ އައު ސީޒަނަށް ތައްޔާރުވުމަށް ކުޅޭ ޕްރި ސީޒަން މެޗުތަކަށެވެ. އޭގެ ކުރިން އޭނާއަށް މެޗެއް ނުކުޅެވޭނެއެވެ.
ޗެލްސީ ދޫކޮށް ހަވަޓްޒް އާސެނަލް އަށް ބަދަލުވީ 63 މިލިއަން ޔޫރޯ އަށް 2023 ވަނަ އަހަރުގެ ޖޫންމަހުގެ ތެރޭގައެވެ. އާސެނަލް އިން ހަވަޓްޒް ހޯދަން މަސައްކަތްކުރިއިރު, ޔޫރަޕްގެ ގިނަ ޓީމުތަކުންވެސް އޭނާއަށް ޝައުގުވެރިކަން އޭރު ފާޅުކުރި އެވެ. އަދި ގިނަ ހުށަހެޅުން ތަކެއް އައެވެ. އެހެން ނަމަވެސް ހަވަޓްޒް އިސްކުރީ އާސެނަލް އެވެ.
2023 ވަނަ އަހަރު އާސެނަލް އަށް ބަދަލުވި ހަވަޓްޒް ވަނީ މިހާތަނަށް އެޓީމަށް ކުޅެދިން 85 މެޗުގައި 29 ގޯލު ޖަހައިދީފައެވެ.
