ހިލަވެއްޔާއި ސިމެންތި ހިފައިގެން ދަތުރުކުރި ދޯންޏެއް ނ. މާވައްދޫ ކައިރިން ފަރަށް އަރައިފި
މިދޯނި ފަރަށް އެރިކަމުގެ ރިޕޯޓު ލިިބިފައިވަނީ ހޮނިހިރު ދުވަހުގެ ދަންވަރު 3:59 ގައި
ހިލަވެއްޔާއި ސިމެންތި ހިފައިގެން ދަތުރުކުރި ދޯންޏެއް ނ. މާވައްދޫ ކައިރިން ފަރަށް އަރާފައި
ހިލަވެއްޔާއި ސިމެންތި ހިފައިގެން ދަތުރުކުރި ދޯންޏެއް ނ. މާވައްދޫ ކައިރިން ފަރަށް އަރައިފިއެވެ.
މެރިޓައިމް ރެސްކިއު ކޯޑިނޭޝަން ސެންޓަރު (އެމްއާރްސީސީ) އަށް ރިޕޯޓު ލިިބިފައިވަނީ ހޮނިހިރު ދުވަހުގެ ދަންވަރު 3:59 ގައެވެ.
އާދިއްތަ ދުވަހު އެމްއެންޑީއެފުން ބުނީ ހިލަވެލި އަދި ސިމެންތި ހިފައިގެން ދަތުރުކުރި ވެނިސް ނަމަކަށް ކިޔާ 100 ފޫޓުގެ ސަޕްލައި ދޯންޏެއް ނ.މާވައްދޫ ކައިރިން ފަރަށް އަރާފައިވާ ކަމަށެވެ. މިދޯނި ދަތުރު ކުރަމުންދިޔައީ މާލެއިން ފުރައިގެން ހއ.އަތޮޅަށް ކަމަށެވެ.
މީގެ އިތުރުން އެމްއެންޑީއެފުން ބުނީ މި ދޯނީގައި 13 ފަޅުވެރިން ތިބި ކަމަށާއި، އެއްވެސް މީހަކަށް ގެއްލުމެއް ނުލިބޭ ކަމަށެވެ.
މިދޯނި ފުންކުރުމުގެ މަސައްކަތްތައް މިހާރު ދަނީ ކުރަމުންނެވެ.
