ސްރީ ލަންކާގެ މަޖިލިހުގައި ކެއުމަށް މެމްބަރުންގެ އަތުން އަގު ނަގަނީ
22 ޖެނުއަރީ 2025 | ބުދަ 17:17ކެއުމުގެ ޚަރަދުގެ ގޮތުގައި ކޮންމެ މެމްބަރަކު 3000 ރުފީސް ދައްކަން ޖެހޭ ގޮތައް ވަރަށް އަވަހަށް ހަމަޖައްސާނެ ކަމަށް ހައުސް ލީޑަރު ވަނީ ހާމަ ކުރައްވާފައި.
ސްރީ ލަންކާގެ ކުރީގެ ބޮޑުވަޒީރު އެ ގައުމުގެ ގާނޫނު ހަދާ މަޖިލީހަށް ވަޑައިގަންނަވަނީ
ސްރީ ލަންކާގެ ގާނޫނު ހަދާ މަޖިލިހުގެ މެންބަރުންގެ ކެއުމަށް ހިނގާ ޚަރަދާ އެއްވަރުގެ އަގެއް މެމްބަރުންގެ އަތުން ނަގާ ގޮތައް ވަރަށް އަވަހަށް ހަމަޖައްސާނެ ކަމަށް ބުނެފިއެވެ.
ނާސްތާ، މެންދުރު ކެއުމާއި ހަވީރު ސައި ހިމެނޭ ގޮތަށް ބޮލަކަށް 3،000 ރުފިޔާ އަށް އަރާފާނެ ކަމަށް މަޖިލީހުގެ ހައުސް ލީޑަރު ބިމާލް ރަޓްނާޔަކެ ބުދަ ދުވަހު ވަނީ ހާމަ ކުރައްވާފައެވެ.
ރަޓްނާޔަކެ ވިދާޅުވި ގޮތުގައި މި ހުށަހެޅުން ބުރާސްފަތި ދުވަހު މަޖިލީހުގެ ހައުސްކީޕިންގ ކޮމިޓީއަށް ހުށަހެޅޭނެ ކަމަށާއި، އަދި ވަރަށް އަވަހަށް ކެބިނެޓަށް ވެސް ހުށަހެޅޭނެ ކަމަށް އޭނާ ވިދާޅުވި ކަމަށް އެ ގައުމުގެ މީޑިއާ އިން ރިޕޯޓު ކޮށްފައިވެއެވެ.
