އެމްއެމްއޭ އިން ފައިސާ ޗާފު ކޮށްފި

ސަތޭކަ ރުފިޔާގެ އައު ނޫޓު ޗާފްކޮށް ނެރެން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ނިންމަފިއެވެ.

އެމްއެމްއޭ އިން ހާމަކޮށްފައިވާ ގޮތުގައި އަލަށް ޗާފު ކުރަނީ 100 ރުފިޔާގެ ނޫޓެވެ. އެ ނޫޓުގައި މިހާރު ބޭނުންކުރާ ރުފިޔާގެ ނިޝާން ހިމޭނޭނެ ކަމަށް ބުނެފައިވެއެވެ.

ޖަނަވަރީ މަހުގެ 19 ވަނަ ދުވަހުން ފެށިގެން އަލަށް ޗާޕު ކުރި 100 ރުފިޔާގެ ނޫޓު ދައުރުވާނެ ކަމަށް ވެސް އެމްއެމްއޭ އިން ވަނީ ބުނެފައެވެ.

މި ނޫޓާ އެކު މިހާރު ބޭނުން ކުރެވޭ 100 ރުފިޔާގެ ނޫޓުވެސް ދައުރުވަމުންދާނެ ކަމަށް އެމްއެމްއޭ އިން ވަނީ ބުނެފައެވެ.

ޗާޕު ކުރި 100 ރުފިޔާގެ އައު ނޫޓުގައި ދިވެހި ރުފިޔާގެ ނިޝާން ނޫޓުގެ ދެފަރާތުގައި ހިމަނާފައި ވާއިރު ނޫޓުގައި ސޮއި ކުރައްވާފައިވަނީ ކުރީގެ ގަވަރުނަރު އަލީ ހާޝިމް އެވެ.

އައު ނޫޓުގެ މީލާދީ ތާރީޚް އަކީ 7 ޖުލައި 2024 އެވެ. ހިޖުރީ ތާރީޚް އަކީ 1 މުހައްރަމް 1446 އެވެ.

ކުރިން ބޭނުން ކުރާ ނޫޓާ އެކު އަލަށް ޗާފް ކުރާ ނޫޓުވެސް ބޭނުން ކުރާ ގޮތައް އެމްއެމްއޭ އިން ނިންމާފައިވާއިރު ރައީސް މުއިއްޒު ތަކުރާރުކޮށް ވިދާޅުވެފައިވަނީ އެމަނިކުފާނުގެ ސަރުކާރުން އަލަށް ފައިސާ ޗާޕް ނުކުރާނެ ކަމަށެވެ.