ކުޑަ ދަރިފުޅަށް އެންމެ ރަނގަޅު އޯގަނިކް ކާނާ ހޯދުމަށް ޕިޔުއަރ ލައިފް ޚިޔާރުކުރައްވާ

ކުޑަ ދަރިފުޅަށް އެންމެ ރަނގަޅު އޯގަނިކް ކާނާ ހޯދުމަށް ޕިޔުއަރ ލައިފް އިން ވަނީ ފަހި ފުރުސަތުތަކެއް ހޯދާދީފައެވެ.

ޕިޔުއަރ ލައިފްގެ ފަރާތުން ރާއްޖެ އެމްވީ އަށް މައުލޫމާތުދެއްވަމުން އިބްރާޙިމް އިޔާން ވިދާޅުވީ ޕިޔުއަރ ލައިފްގެ މައިގަނޑު ބޭނުމަކީ ކުޑަކުދިންނަށް ކެވޭ ފަދަ މިރު، ސިއްހަތަށް ރަނގަޅު އޯގަނިކް ބޭބީ ފުޑްގެ ބާވަތްތައް ދިވެހިންނަށް ފޯރުކޮށްދިނުން ކަމަށެވެ. އެގޮތުން އެލަރޖިކްވާ ކުދިންނަށް ވެސް ކެވޭ ޕްރޮޑަކްޓްތައް އެ ފިހާރައިން ލިބެން ހުންނާނެ ކަމަށް އޭނާ ވިދާޅުވިއެވެ. މިއީ މޭވާ އާއި ތަރުކާރީ ބޭނުންކޮށްގެން ތައްޔާރުކޮށްފައިވާ މަސްނޫއީ ކުލަ އާއި ގެއްލުން ހުރި މާއްދާތައް ނުހިމެނޭ ކާނާގެ ބާވަތްތައްކަން އޭނާ ވަނީ ފާހަގަކޮށްފައެވެ. އަދި މި ކާނާގެ ބާވަތްތަކަށް ލޮނާއި ހަކުރު ވެސް އެއްކޮށްފައި ނުހުންނާނެ ކަމަށް އޭނާ ފާހަގަ ކުރެއްވިއެވެ.

Advertisement

މިއީ ރާއްޖެ އަށް އަލަށް ތައާރަފްކުރާ ރޭންޖަކަށް ވުމާއި އެކު އެ ތަކެތީގެ މައުލޫމާތު ބެލެނިވެރިންނަށް ފޯރުކޮށްދިނުމަށް މަސައްކަތްކުރަމުންދާ ކަމަށް އިޔާން ވިދާޅުވިއެވެ. ކުޑައިރުން ފެށިގެން ދެވޭނެ ކާނާގެ ބާވަތްތައް އެ ފިހާރައިން ލިބެން ހުންނާނެ ކަމަށާއި އެގޮތުން މި ކާނާގެ ބާވަތް ތަކަކީ ކަރުގައި އަޅައިގަނެ، ކޮށިއެރުން ނުވަތަ ނޯށަށް އެރުމުގެ ފުރުސަތު ނެތް ކާނާގެ ބާވަތްތައް ކަމަށް އިޔާން ފާހަގަ ކުރެއްވިއެވެ. ސަބަބަކީ އެ ކާނާގެ ބާވަތްތައް ކުޑަކުދިން އަނަގަޔަށް ލުމާއި އެކު އަނގަޔަށް ވިރިގެން ދާ ގޮތަށް ތައްޔާރުކޮށްފައި ވުމެވެ. އެހެންކަމުން މިއީ އަލަށް ކާން ފަށާ ކުދިންނަށް ރައްކާތެރި ކާނާގެ ބާވަތްތަކެކެވެ. އިޔާން ވަނީ އެ ތަނުން ވަރަށް ފުޅާ ރޭންޖެއްގެ ޕްރޮޑަކްޓްތަކެއް ލިބޭކަން ފާހަގަ ކުރައްވާފައެވެ.

ޕިޔުއަރ ލައިފްގެ ސޭލްސްގެ އެންޑް މާކެޓިން މަރިޔަމް ލިއުނާ ވިދާޅުވީ އެ ފިހާރައިން 6 މަހުން ފެށިގެން 12 މަހާއި ދެމެދުގެ ކުދިންނަށް ޚާއްސަ ކާނާ ލިބެން ހުންނާނެ ކަމަށެވެ. އަދި އެލާރޖީ ވާކުދިންނަށް ވެސް ކެވޭނެ ކާނާ އެތަނުން ލިބެން ހުންނާނެ ކަމަށް އޭނާ ވިދާޅުވިއެވެ. މިތަނުން ލިބެން ހުރި ކާނާގެ ބާވަތްތަކުގެ ތެރޭގައި ސީރިއަލް، އޯގެނިކް ރައިސް ޕަފްސް، ސްނެކްސް ކަހަލަ އެއްޗެހި ލިބެން ހުރި ކަމަށް އޭނާ ވިދާޅުވިއެވެ. މީގެ އިތުރުން ގާތުން ދޭ މައިންނަށް ޚާއްސަ ކުކީސް ވެސް އެތަނުން ލިބެން ހުރި ކަމަށް އޭނާ ވިދާޅުވިއެވެ.

އެ ތަނުން ލިބެން ހުރި ބްރޭންޑްތަކުގެ ތެރޭގައި، ނަޓޫ ފުޑީ، ޓެންޓެން، ހެޕީ ހީރޯ، ލަވް އަރތް އަދި ޕިކްނިކް ބޭބީ ފަދަ ބްރޭންޑްތަކުގެ ކާނާ ހިމެނެއެވެ. އޭނާ ވިދާޅުވި ގޮތުގައި ހެނދުނު 9 އިން މެންދުރު 12 އަށް ، 2 އިން 6 އަށް އަދި 8 އިން 11 އަށް އެ ފިހާރަ ހުޅުވާފަ ހުންނާނެއެވެ. މި ފިހާރައިގެ ފަރާތުން ރީޓެއިލް އަދި ހޯލްސޭލްވެސް ކުރަމުންދާއިރު މާލެ އާއި ހުޅުމާލޭ އިހުސާން ފިހާރަ އާއި، 15 ވަރަކަށް އަތޮޅުން 40 އަށް ވުރެ ގިނަ ރަށަށް ޕިޔުއަރ ލައިފްގެ ފަރާތުން ވަނީ ބުނެފައެވެ. މީގެ އިތުރުން އެ ފިހާރައިގެ ވެބްސައިޓް https://purelifemv.com/، މެދުވެރިކޮށް ވެސް ވިޔަފާރިކުރުމުގެ ފުރުސަތު ކަސްޓަމަރުންނަށް އޮންނާނެއެވެ. ހަމައެހެންމެ އިންސްޓަރގްރާމްhttps://www.instagram.com/purelife.mv/،އާއި ފޭސްބުކްhttps://www.facebook.com/purelife.mv/މެދުވެރިކޮށް ވެސް ޚިދުމަތް ހޯއްދެވޭނެއެވެ.

ޕިޔުއަރލައިފް ހުންނަނީ މައްޗަންގޮޅީ ސަހަރާ ފުރަގަހުގައި، ބާމިޔާ ގޯޅީގައެވެ. 7226227 މެދުވެރިކޮށް މި ފިހާރައިން ތަކެތި ހޯލްސޭލް އަދި ރީޓެއިލްކޮށް ބައްލަވައި ގަނެވޭނެއެވެ. މި ފިހާރައިން ދަނީ ހިލޭ ޑެލިވަރީގެ ޚިދުމަތް ފޯރުކޮށްދެމުންކަން ފާހަގަކޮށްލެވެއެވެ.