ރިވައިވަލް އިން 90،000 ރުފިޔާގެ މުބާރާތެއް ބާއްވަނީ
2 ޖެނުއަރީ 2025 | ބުރާސްފަތި 05:50މުބާރާތް ކުރިއަށް ގެންދިޔުމަށް ރިވައިވަލް އިން ތާވަލްކޮށްފައި ވަނީ މި ހިނގާ ޖަނަވަރީ މަހުގެ 29 ވަަނަ ދުވަހުން ފެށިގެން، ފެބްރުވަރީ މަހުގެ އެއް ވަނަ ދުވަހު ނިޔަލަށް، މާލޭ އެކުވެނި އިންޑޯ ކޯޓުގަ އެވެ.
މީގެ ކުރިން ރިވައިވަލް އިން ބޭއްވި މުބާރާތެއްގެ ތެރެއިން
ރިވައިވަލް ސްޕޯޓްސް އިން މިއަހަރުގެ ފުރަތަމަ ބެޑްމިންޓަން މުބާރާތް ބާއްވަން ނިންމައި، މުބާރާތުގައި ބައިވެރިވުމަށް އިއުލާން ކޮށްފި އެވެ.
މިއަހަރުގެ ފުރަތަމަ މުބާރާތުގެ ގޮތުގައި ރިވައިވަލް އިން ބާއްވަން ނިންމާފައި ވަނީ، "ރިވައިވަލް ސްޕޯޓްސް ބެޑްމިންޓަން ޗެލެންޖު 2025" އެވެ. މުބާރާތް ކުރިއަށް ގެންދިޔުމަށް ރިވައިވަލް އިން ތާވަލްކޮށްފައި ވަނީ މި ހިނގާ ޖަނަވަރީ މަހުގެ 29 ވަަނަ ދުވަހުން ފެށިގެން، ފެބްރުވަރީ މަހުގެ އެއް ވަނަ ދުވަހު ނިޔަލަށް، މާލޭ އެކުވެނި އިންޑޯ ކޯޓުގަ އެވެ.
މުބާރާތުގައި ހިމެނޭ ކެޓަގަރީ ތަކުގެ ތެރޭގައި ޖޫނިއާ ކެޓަގަރީ، ސީނިއާ ފިރިހެން އޯޕަން ޑަބަލްސް އަދި ސީނިއާ އަންހެން އޯޕަން ޑަބަލްސް ކެޓަގަރީ ހިމެނެ އެވެ. ޖޫނިއާ ކެޓަގަރީގައި އުމުރުން 11 އަހަރުން ދަށާއި، އުމުރުން 13 އަހަރުން ދަށަށް އޮތީ ފިރިހެން އަދި އަންހެން ސިންގަލްސް އެވެ. އުމުރުން 15 އަހަރުން ދަށް، އުމުރުން 17 އަހަރުން ދަށް އަދި އުމުރުން 19 އަހަރުން ދަށަން އޮތީ ފިރިހެން އަދި އަންހެން ސިންގަލްސްގެ އިތުރުން ފިރިހެން އަދި އަންހެން ޑަބަލްސް އެވެ. މީގެ އިތުރުން ސްޕެޝަލް އޮލިމްޕިކް މޯލްޑިވްސް އަދި ޕެރަލިމްޕިކް މޯލްޑިވްސް އަށް ޚާއްސަ ކެޓަގަރީ ވެސް ވަނީ ހިމަނައިފަ އެވެ.
މުބާރާތުގެ ޕްރައިޒް ޕޫލްގެ އަދަދަކީ 90،000 (ނުވަދިހާ ހާސް) ރުފިޔާ އެވެ. މުބާރާތުގައި ބައިވެރިވުމުގެ ސުންގަޑި އަކީ ޖަނަވަރީ މަހުގެ 15 ވަނަ ދުވަހެވެ. ރިވައިވަލް އިން އަންނަނީ އެކި އެކި މުބާރާތްތައް ބޭއްވުމުގެ އިތުރުން، ބައިނަލްއަޤުވާމީ މުބާރާތްތަކުގައި ވެސް ވާދަކޮށް، ރަން ވަނަތައް ހޯދަމުންނެވެ.
