ކަސްޓަމްސްގެ ބެލުމުގެ ދަށުގައި ހުރި މިޔަރު އަދި މަޑިމަސްތަކެއް ނައްތާލައިފި
25 ޑިސެމްބަރު 2024 | ބުދަ 10:45582 ކިލޯގެ މިޔަރު އަދި މަޑިމަސް މިހާރު ވަނީ ކަސްޓަމްސްގެ ބެލުމުގެ ދަށުން ނައްތާލެވިފައި
ކަސްޓަމްސްގެ ބެލުމުގެ ދަށުގައި ހުރި މިޔަރު އަދި މަޑިމަސް
ކަސްޓަމްސްއިން ހިފަހައްޓާފައިވާ މިޔަރު އަދި މަޑިމަސްތަކެއް ނައްތާލައިފިއެވެ.
މިތަކެއްޗަކީ ނެތިދިއުމުގެ ބިރުހީވެފައިވާ ދިރޭތަކެތީގެ ބައިނަލްއަޤްވާމީ ވިޔަފާރި ކޮންޓްރޯލްކުރުމުގެ ޤާނޫނުގެ ދަށުން ރާއްޖެއިން ބޭރުކުރުން މަނާތަކެތި ހުރިކަމަށް ލިބުނު މައުލޫމާތަކާއި ގުޅިގެން، ކަސްޓަމްސްއިން ބަލައިފާސްކުރުމުގެ ތެރޭގައި ދެނެގަނެވިފައިވާ ތަކެއްޗެވެ.
އެގޮތުން ބަލައިފާސްކުރެވުނު ކޮންޓެއިނާގެ ތެރެއިން ހިފެހެއްޓުނު 582 ކިލޯގެ މިޔަރު އަދި މަޑިމަސް މިހާރު ވަނީ ކަސްޓަމްސްގެ ބެލުމުގެ ދަށުން ނައްތާލެވިފައެވެ. މި ތަކެތި ނައްތާލާފައިވަނީ 22 ޑިސެމްބަރ 2024 ވަނަ ދުވަހު ކ. ތިލަފުށި ކުނި ނައްތާލާ ސަރަޙައްދުގައެވެ.
މިޔަރާއި މަޑީގެ ބާވަތްތަކަކީ ދިވެހިރާއްޖޭގެ މަސްވެރިކަމުގެ ޢާންމު ޤަވާޢިދުގެ 7 ވަނަ ބާބު (ހިފުމާއި، ބޭނުމާއި، ނެގުމާއި، މެރުން މަނާ ބާވަތްތަކާއި، އެކްސްޕޯޓް ކުރުން މަނާ ބާވަތްތައް) ގެ 17 ވަނަ މާއްދާގެ (ބ) ގެ 2 ވަނަ ނަންބަރުގެ ދަށުން ދިވެހިރާއްޖެއިން ބޭރުކުރުން މަނާ ތަކެއްޗެވެ.
