އުރީދޫ ސައިކަލް ލިބޭ ޕްރޮމޯޝަން: އެންމެ އަގު ހުރި އިނާމު – ރެބެލް 300 އާއި އެކު ބާކީ 5 ސައިކަލު!
އުރީދޫ ގެ 5 ނަސީބުވެރި ފަރާތަކަށް 31 ޑިސެމްބަރުގެ ކުރިން އަދިވެސް ސައިކަލު ހޯދުމުގެ ފުރުސަތު އެބައޮތް
އުރީދޫގެ ސައިކަލް ލިބޭ ޕްރޮމޯޝަންގެ ދަށުން ސައިކަލް ލިބުނު ފަރާތަކާއި ސައިކަލް ހަވާލުކުރަނީ
އުރީދޫ މޯލްޑިވްސް އިން ކުރިއަށް ގެންދާ ކޮންމެ 3 ދުވަހަކުން ސައިކަލެއް ލިބޭ ޕްރޮމޯޝަންގައި 25 ނަސީބުވެރިން ހޮވައިފިއެވެ.
އިތުރު 5 ސައިކަލެއްގެ ނަސީބުވެރިފަރާތް ހޮވަން އޮތްއިރު، ކަސްޓަމަރުންނަށް އަދިވެސް މި ޕްރޮމޯޝަންގައި ބައިވެރިވެ އިނާމު ހޯދުމުގެ ފުރުސަތު އެބަ އޮތް ކަމަށް އުރީދޫއިން ބުނެއެވެ. އަދި ބާކީ ހުރި ސައިކަލު ތަކުގެ ތެރޭގައި އެއަރބްލޭޑް 160، އެއަރބްލޭޑް 125 ގެ އިތުރުން ޑިސެމްބަރު މަހުގެ އެންމެ އަގުހުރި އިނާމު - ޕީސީއެކްސް 160 ގެ އިތުރުން މުޅި ޕްރޮމޯޝަން ގެ އެންމެ އަގު ހުރި އިނާމުގެ ގޮތުގައި ހުށަހަޅާފައިވާ 2024 ރެބެލް 300 ސައިކަލު ހިމެނެއެވެ.
23 ސެޕްޓެމްބަރު 2024 ގައި އުރީދޫ މޯލްޑިވްސް އިން ތައާރަފްކޮށް ކުރިއަށް ގެންދާ މި ޕްރޮމޯޝަންގައި ކޮންމެ 3 ދުވަހަކުން އެއް ސައިކަލު ދެމުން އަންނައިރު، ކެމްޕެއިން ނިމޭއިރު ޖުމްލަ 30 ސައިކަލު ނަސީބުވެރި ފަރާތްތަކަށް ދެވޭނެއެވެ. މި ޕްރޮމޯޝަން 31 ޑިސެމްބަރު 2024 އާ ހަމައަށް ކުރިއަށްދާއިރު، ބާކީ ހުރި 5 ސައިކަލު ހޯދުމުގެ ފުރުސަތު އަދިވެސް ކަސްޓަމަރުންނަށް ވަނީ ހުޅުވާލެވިފައެވެ.
ރާއްޖޭގެ އެކި ކަންކޮޅުތަކުގައި ދިރިއުޅޭ އުރީދޫ މޯލްޑިވްސްގެ ހުރިހާ ކަސްޓަމަރުންގެ އިތުރުން އަލަށް އުރީދޫ އާއި ގުޅޭ ކަސްޓަމަރުންނަށްވެސް މި ޕްރޮމޯޝަނުގައި ބައިވެރިވެވޭނެއެވެ.
މި ޕްރޮމޯޝަނަކީ އުރީދޫގެ 5ޖީ ލިބޭ ކެމްޕެއިންގެ ދަށުން ރާއްޖޭގައި އެންމެ ވަރުގަދަ އަދި އެންމެ ބޮޑު 5ޖީ ނެޓްވޯކް ތައާރަފްކުރުމުގެ މުނާސަބަތުގައި ކުރިއަށް ގެންދާ ޕްރޮމޯޝަނެކެވެ. މީގެ އިތުރުން މި ޕްރޮމޯޝަން އަކީ އުރީދޫ ކަސްޓަމަރުންގެ އިތުބާރާއި އެއްބާރުލުން ފާހަގަކޮށް ކަސްޓަމަރުންގެ ވަޒަން ކުރުމުގެ ގޮތުން ކުރިއަށް ގެންދާ ޕްރޮމޯޝަންއެއްވެސްމެއެވެ. މި ޕްރޮމޯޝަންގެ އެންމެ އަގު ހުރި އިނާމް 2024 ރެބެލް 300 ހިމެނޭ ގޮތަށް ކާމިޔާބު ކުރަން ބާކީ 5 ސައިކަލު އޮތް އިރު، ނަސީބުވެރި ފަރާތްތަކުގެ މައުލޫމާތު އުރީދޫ މޯލްޑިވްސްގެ ރަސްމީ ސޯޝަލް މީޑިއާ ޗެނަލްތަކުން އިއުލާނު ކުރަމުންދާނެއެވެ.
