ދަރުމަވަންތަ ހޮސްޕިޓަލް ބޭރު ތޮށި މޫދުން އަނިޔާވެފައި އޮތް މީހަކު ފެނިއްޖެ
27 ނޮވެމްބަރު 2024 | ބުދަ 07:47އަނިޔާވެފައިވާ އޮތްވާ ފެނިފައިވަނީ ދިވެހި ފިރިހެނެއް
އައިޖީއެމްއެޗް - އަނިޔާވެފައި އޮތް މީހާގެ މާ ބޮޑު ތަފްސީލެއް އަދި ފުލުހުން ހާމަ ކޮށްފައެއް ނުވޭ
ދަރުމަވަންތަ ހޮސްޕިޓަލް ކައިރީ ބޭރު ތޮށި މޫދުން އަނިޔާވެފައިވާ ދިވެހި ފިރިހެނަކު ފެނިއްޖެއެވެ.
ފުލުހުން ބުނީ ދަރުމަވަންތަ ހޮސްޕިޓަލް ކައިރީ ބޭރު ތޮށި މޫދުން އަނިޔާވެފައިވާ ދިވެހި ފިރިހެނަކު ފެނިފައިވާ ކަމަށާއި، އެ މީހާ މިހާރު އައިޖީއެމްއެޗް އަށް ގެންގޮސްފައިވާ ކަމަށެވެ.
ފުލުހުން ބުނީ އެމީހާގެ ބޮލަށް އަނިޔާވެފައިވާ ކަމަށް ހޮސްޕިޓަލުން މަޢުލޫމާތު ދީފައިވާ ކަމަށެވެ. އެ މީހާއަށް އަނިޔާވެފައިވަނީ އުޅަނދެއްގައި ޖެހިގެން ކަމަށް ބެލެވޭ ކަމަށާއި މި މައްސަލަ ފުލުހުން ތަޙުޤީޤު ކުރަމުންދާ ކަމަށް ބުނެފައިވެއެވެ.
ހާދިސާ ހިނގި ސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.
އަދި އިތުރު މައުލޫމާތު ލިބުމުން ހިއްސާކުރާނެ ކަމަށް ފުލުހުން ބުނެފައި ވެއެވެ.
