ޕީއެންސީ މަޖިލީހުގެ މެންބަރުންނަކީ ބޮޓުން: މެންބަރު މައުރޫފް
ޕީއެންސީ މެންބަރުންދަނީ އެބޭފުޅުންގެ ކަރުގައި ދަންމަޅި އަޅުވަމުން
ގާނޫނު އަސާސީގެ ދިފާއުގައި ކުރި މުޒާހަރާގައި އެމްޑީޕީގެ ޕީޖީ މެމްބަރުން
ޕީއެންސީގެ ރައްޔިތުންގެ މަޖިލީހުގެ މެންބަރުންނަކީ ބޮޓުން ކަމަށް ކެންދޫ ދާއިރާގެ މެންބަރު މައުރޫފް ޒާކިރު ވިދާޅުވެއްޖެއެވެ.
ގާނޫނު އަސާސީގެ ދިފާއުގައި ކުރިއަށް ގެންދިޔަ މުޒާހަރާގެ ތެރެއިން ރާއްޖެއެމްވީއަށް މެންބަރު މައުރޫފް ވިދާޅުވީ ޕީއެންސީގެ މަޖިލިސް މެންބަރުން މިހާރު ތިބީ ބޮޓުންނަށް ބަދަލުވެފައިވާ ކަމަށާއި، އެބޭފުޅުން އަމިއްލައަށް ކަރުގައި ދަންމަޅި އަޅުވަމުންދާ ކަމަށެވެ.
މަޖިލިސް ތަޅުމުން ބޭރުގައި ތިއްބަވައިގެން ޕީއެންސީގެ މެންބަރުން ސަރުކާރާ ދެކޮޅަށް ވާހަކަދައްކަވާކަން ފާހަގަކުރައްވައި މެންބަރު މައުރޫފް ވިދާޅުވީ ކުރިއަށް އޮތްތަނުގައި ރައްޔިތުންގެ ކަންކަމުގައި މެންބަރުންނަށް ޖެހޭނީ މިނިސްޓަރުންގެ ކިބައިން ސަލާން ޖަހަން ކަމަށެވެ.
މެންބަރު މައުރޫފް ވިދާޅުވީ ގާނޫނު އަސާސީގެ ދިފާއުގައި މަސައްކަތް ކުރަންޖެހޭ ކަމަށާއި، ރައްޔިތުން ނުކުންނަން ޖެހޭ ކަމަށެވެ. މިއަދު ފެނިގެން މިދަނީ ރައްޔިތުން ވަކި ޕާޓީއަކަށް މާ ބޮޑަށް ބާރުތައް ދިނުމުގެ ހިތި ނަތީޖާ ކަމަށް މެންބަރު މައުރޫފް ވިދާޅުވިއެވެ.
