ކަލަރ ލޭންޑްގެ ބިޓެކް ސެމިނާ - ކުލަ އާއި ބެހޭ ކޮންސަލްޓޭޝަން އަދި ފައިނޭންޝަލް ޕެކޭޖްގެ މައުލޫމާތު އެއްތަނަކުން!
އާއްމުންނަށް ވެސް މި ހަރަކާތް މެދުވެރިކޮށް ކަލަރލޭންޑްގެ ޕްރޮޑަކްޓްތަކުގެ މައުލޫމާތު ވަނީ ހިއްސާކޮށްފައެވެ. މި ހަރަކާތް ކުރިއަށް ދާނީ ހޮނިހިރު ދުވަހުގެ ހަވީރު 4:30 އާ ހަމައަށެވެ.
ބިޓެކް މޯލްޑިވްސް 2024 ސެމިނާގެ ތެރެއިން
ކުލަ އާއި ބެހޭ ކޮންސަލްޓޭޝަން އަދި ޕެކޭޖްގެ މައުލޫމާތު ހިމެނޭހެން ރާއްޖޭގައި ކުލަ އާއި ދަވާދުގެ ވިޔަފާރީގައި މަޝްހޫރު ކަލަރ ލޭންޑްގެ ބިޓެކް ސެމިނާ ކާމިޔާބުކަމާއި އެކު ފަށައިފިއެވެ.
ސެމިނަރ ފެށުމުގެ ރަސްމިއްޔާތު ޝަރަފުވެރިކޮށްދެއްވާ ވާހަކަދައްކަވަމުން މާލެ ސިޓީ ކައުންސިލްގެ މޭޔަރ އާދަމް އާޒިމް ވިދާޅުވީ، ޕްރޮޖެކްޓްތަކަށް ހޭދަކުރާ ފައިސާ ރަނގަޅު ގޮތުގައި ހޭދަކުރެވޭނީ އެކަމުގެ ތަޖުރިބާ ހުރި މީހުންގެ އަތުން ޕްރޮޖެކްޓަށް ބޭނުންވާ ކުލަ ފަދަ ސާމާނުތައް ގަނެގެން ކަމަށެވެ.
ޕްރޮޖެކްޓެއް ފެށުމުގެ ކުރިން އެ ޕްރޮޖެކްޓް ކުރިއަށް ދަނީ ކޮން ތަނެއްގައިތޯ ބަލާ، އެ ތަނަކަށް ޚާއްސަ އެކަށީގެންވާ ކުލަ ބޭނުންކުރުން މުހިންމު ކަމަށް އާޒިމް ވަނީ ވިދާޅުވެފައެވެ. އާއްމުގޮތެއްގައި ޕްރޮޖެކްޓެއްގެ ޑިއުރޭޝަންއަކީ 50 އަހަރާއި 70 އަހަރުކަމަށް ފާހަގަކުރައްވާ އާޒިމް ވިދާޅުވީ ތަޖުރިބާކާރުންގެ އަޑު އަހައިގެން ޕްރޮޖެކްޓްގެ މަސައްކަތް ކޮށްފިކަމަށް ވާނަމަ އަހަރަކު އެއްފަހަރު ކުލަލުމުގެ ބަދަލުގައި 5 އަހަރުގެ ތެރޭގައި އެއް ފަހަރު ކުލަލާން ޖެހޭ ވަރަށް ކަންކަން ބަދަލުކުރެވިދާނެ ކަމަށެވެ. އެހެންކަމަށް ވާނަމަ އެއީ ޚަރަދުތައް ވެސް ސަލާމަތްކުރެވޭނެ ކަމެއް ކަމަށް އާޒިމް ވަނީ ވިދާޅުވެފައެވެ.
އެމްއެންޔޫ ސެންޓްރަލް އެޑިޓޯރިއަމްގައި ހޮނިހިރު ދުވަހު ކުރިއަށް ގެންދިޔަ އެ ސެމިނަރ އާއި ގުޅޭގޮތުން ކަލަރލޭންޑްގެ މާރކެޓިން ޓީމާއި ހަވާލުވެ ހުންނެވި ހަސަން ޒަމީރު ވިދާޅުވީ މި ހަރަކާތަކީ ބިޓެކް މޯލްޑިވްސްގެ ނަމުގައި ކުރިއަށް ގެންދާ ހަރަކާތެއް ކަމަށެވެ. އަދި އެ ހަރަކާތުގެ ތެރެއިން ބިޓެކްގެ މައުލޫމާތު ދަރިވަރުންނަށާއި، އިމާރާތްކުރުމުގެ ސިނާއަތުގައި ހަރަކާތްތެރިވާ ސްޓޭކް ހޯލްޑަރުންނަށް ހޯދައިދިނުމަކީ އެ ހަރަކާތުގެ މަޤްސަދެއްކަމަށް އޭނާ ވިދާޅިވިއެވެ. މި ހަރަކާތުގެ ތެރެއިން ކަލަރ ލޭންޑްގެ ޕްރޮޑަކްޓްތައް ތަޖުރިބާކޮށްލުމުގެ ފުރުސަތު ލިބޭނެ ކަމަށް ވެސް އޭނާ ވިދާޅުވިއެވެ.
ކަލަރލޭންޑްގެ ސޭލްސް އެންޑް ކްރެޑިޓްގަ މަސައްކަތްކުރައްވާ އަލީ ފަޔާޒް ވިދާޅުވީ މި އިވެންޓް މެދުވެރިކޮށް ހިލޭ ކޮންސަލްޓޭޝަންގެ ޚިދުމަތް ދިނުމުގެ އިތުރުން ފައިނޭންޝަލް ސްކީމްތަކެއް ތައާރަފްކޮށްފައިވާ ކަމަށެވެ. މިހާރުވެސް އެމްއެފްއެލްސީ އަދި އެމްއައިބީ އުޖާލާ ސްކީމްގެ ތެރެއިން ކޮލިޓީ ޕްރޮޑަކްޓްތައް ލިބޭނެ ކަމަށް އޭނާ ވިދާޅުވިއެވެ. އޭގެ އިތުރުން އިމާރާތްތަކުގެ ބޭރު، ނުވަތަ އެކްސްޓީރިއާ އަށް ބޭނުންވާ ޕްރޮޑަކްޓްތަކަށް ޚާއްސަ ކްރެޑިޓް ސްކީމަކާއި، ގެސްޓްހައުސް އަދި ވަކި ވަކި ގެތަކަށް ބޭނުންވާ ސްކީމްތައް އެކުލަވާލާފައިވާ ކަމަށް އޭނާ ވިދާޅުވިއެވެ. އެގޮތުން ބިލްޑިންއެއްގެ ފައުންޑޭޝަނުން ފެށިގެން ފިނިޝިން އާއި ހަމައަށް ބޭނުންވާ ހުރިހާ ސާމާނެއް އެ ސްކީމުގެ ތެރެއިން ލިބޭނެ ކަަމަށް އޭނާ ވަނީ ވިދާޅުވެފައެވެ.
މި ސެމިނަރ ކުރިއަށް ދިޔައީ ކޮންސްޓްރަކްޓަރުންނާއި، ދާއިރާގެ އެހެނިހެން ސްޓޭކްހޯލްޑަރުން ވެސް ހިމެނޭގޮތަށެވެ. އަދި އާއްމުންނަށް ވެސް މި ހަރަކާތް މެދުވެރިކޮށް ކަލަރލޭންޑްގެ ޕްރޮޑަކްޓްތަކުގެ މައުލޫމާތު ވަނީ ހިއްސާކޮށްފައެވެ. މި ހަރަކާތް ކުރިއަށް ދާނީ ހޮނިހިރު ދުވަހުގެ ހަވީރު 4:30 އާއި ހަމައަށެވެ.
