ބައިނަލްއަގުވާމީ ފެންވަރުގައި ހަދާ އެސެސްމަންޓުތަކަށް ބަދަލުކުރާ މައުލޫމާތު ހަރުދަނާ ކުރަނީ
25 އޮކްޓޯބަރު 2024 | ހުކުރު 07:24ފުލުހުންގެ ޚިދުމަތުން ތަފާސްހިސާބު ބެލެހެއްޓުމާއި ހިއްސާކުރުމާއި، ފައިނޭންޝަލް އެނަލިސްޓުންނަށް ބޭނުންވާ ތަމްރީނު ޕްރޮގްރާމްތަކާއި ގުޅޭ މަޝްވަރާކުރެވުނު
މަނީ ލޯންޑަރިންގ އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ގާނޫނު ތަންފީޒުކުރެވެމުންދާ މިންވަރާ ގުޅޭގޮތުން މިއުޗުއަލް އިވެލުއޭޝަނަށް ބޭނުންވާ މައުލޫމާތު ހިއްސާކުރުމަށް ބޭއްވި ބައްދަލުވުމުގެ ތެރެ
ބައިނަލްއަގުވާމީ ފެންވަރުގައި ހަދާ އެސެސްމަންޓުތަކަށް މައުލޫމާތު ބަދަލުކުރުމުގައި ކުރަންޖެހޭ ކަންކަން ހަރުދަނާކުރުމަށް ގުޅިގެން ކުރެވިދާނެ ކަންކަމާ ގުޅޭގޮތުން މަޝްވަރާކޮށްފިއެވެ.
މި މަޝްވަރާކުރެއްވީ ޑެޕިއުޓީ ކޮމިޝަނަރ އޮފް ޕޮލިސް އިސްމާޢީލް ނަވީން، މޯލްޑިވްސް މަނިޓަރީ އޮތޯރިޓީގެ ފައިނޭންޝަލް އިންޓެލިޖެންސް ޔުނިޓުގެ އިސްވެރިންނާ ކުރެއްވި ބައްދަލުވުމުގައެވެ.
ޝަހީދު ޙުސައިން އާދަމް ބިލްޑިންގގައި ބޭއްވި މި ބައްދަލުވުމަކީ މަނީ ލޯންޑަރިންގ އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ގާނޫނު ތަންފީޒުކުރެވެމުންދާ މިންވަރާ ގުޅޭގޮތުން މިއުޗުއަލް އިވެލުއޭޝަނަށް ބޭނުންވާ މައުލޫމާތު ހިއްސާކުރުމަށް ބޭއްވި ބައްދަލުވުމެކެވެ.
މި ބައްދަލުވުމުގައި، ދިވެހި ފުލުހުންގެ ޚިދުމަތުން ތަފާސްހިސާބު ބެލެހެއްޓުމާއި ހިއްސާކުރުމާއި، ފައިނޭންޝަލް އެނަލިސްޓުންނަށް ބޭނުންވާ ތަމްރީނު ޕްރޮގްރާމްތައް ހިންގައި، މުވައްޒަފުންގެ ގާބިލުކަން އިތުރުކުރުމާ އަދި ދެ އިދާރާ ގުޅިގެން މަސައްކަތްކުރުމާ ގުޅޭގޮތުން މަޝްވަރާކުރެއްވިއެވެ.
މީގެ އިތުރުން، ގައުމީ އަދި ބައިނަލްއަގުވާމީ ފެންވަރުގައި ހަދާ އެސެސްމަންޓުތަކަށް މައުލޫމާތު ބަދަލުކުރުމުގައި ކުރަންޖެހޭ ކަންކަން ހަރުދަނާކުރުމަށް ގުޅިގެން ކުރެވިދާނެ ކަންކަމާ ގުޅޭގޮތުން ވެސް މި ބައްދަލުވުމުގައި މަޝްވަރާކުރެއްވިއެވެ.
