އީރާނަށް ޖާސޫސް ކޮށްދިން އިޒްރޭލުގެ 7 މީހުން ހައްޔަރުކޮށްފި ކަމަށް ބުނެފި
މި މަސައްކަތުގައި ސްޓްރެޓީޖިކް ތަންތަން ފޮޓޯނަގައި ޑޮކިއުމެންޓްކުރުން ހިމެނޭ ކަމަށާއި، އެއްކުރެވުނު މަޢުލޫމާތު އީރާނުގެ އޭޖެންޓުންނާ ހަވާލުކުރެވުނު ކަމަށް ފުލުހުން ބުނެފައިވެއެވެ.
ތެހެރާނުގައި އިޒްރޭލާ ދެކޮަޅަށް ބަހައްޓާފައިވާ ބޮޑު ބިލްބޯޑެއް ހުރި އިމާރާތެއް ހުރަސްކޮށް އަންހެނަކު ހިނގާފައިދަނީ
އިޒްރޭލު ފުލުހުން މިއަދު ބުނެފައިވަނީ އިޒްރޭލުގެ އަސްކަރީ ބޭސްތަކާއި ހަކަތައިގެ ވަސީލަތްތަކާ ބެހޭ މަޢުލޫމާތު އީރާނުގެ އިންޓެލިޖެންސަށް ފޯރުކޮށްދިނުމަށް އެއްކުރަމުންދިޔަ 7 އިޒްރޭލު މީހުންގެ މައްޗަށް އެކުލެވޭ ޖާސޫސީ ވިއުގައެއް ހައްޔަރުކޮށްފައިވާ ކަމަށެވެ.
ޤައުމީ ސަލާމަތީ އިދާރާއާއި ފުލުހުން "އީރާނުގެ އިންޓެލިޖެންސަށް މަސައްކަތްކުރަމުންދިޔަ 7 އިޒްރޭލުގެ ރައްޔިތުން ހިމެނޭ ޖާސޫސީ ވިއުގައެއް ކާމިޔާބުކަމާއެކު ނައްތާލައިފި" ކަމަށް އިޒްރޭލުގެ ފުލުހުން ނެރުނު ބަޔާނެއްގައި ބުނެފައިވެއެވެ. އަދި އެ 7 މީހުންވެސް ހައްޔަރުކޮށްފައިވާ ކަމަށް ބުނެފައިވެއެވެ.
އިޒްރޭލުގެ މި 7 މީހުން ހައްޔަރު ކުރީ ހައިފާ ސިޓީއާއި އުތުރު ސަރަޙައްދުތަކުން ކަމަށްވެސް ބުނެފައިވެއެވެ.
އީރާނުގެ ދެ އެޖެންޓުގެ އިރުޝާދުގެ ދަށުން 2 އަހަރުގެ މުއްދަތެއްގައި އެކި މިޝަންތައް މި ނެޓްވޯކުން ކުރިއަށް ގެންގޮސްފައިވާ ކަމަށް އިޒްރޭލު ފުލުހުންގެ ބަޔާނުގައި ބުނެފައިވެއެވެ.
"މި ވިއުގައިން މުޅި ޤައުމުގައި ހުރި އިޒްރޭލް ޑިފެންސް ފޯސަސްގެ ބޭސްތަކުގައި ފުޅާ ދާއިރާއެއްގައި އަސްކަރީ ރިކޮނެސަންސް މިޝަންތައް ކުރިއަށް ގެންގޮސްފައިވޭ. ޚާއްޞަކޮށް އެއަރ ފޯސްއާއި ނޭވީގެ އިންސްޓޮލޭޝަންތަކާއި، ބަނދަރުތަކާއި، އަޔަން ޑޯމް ސިސސްޓަމް ހުރި ތަންތަނާއި، ޕަވަރ ޕްލާންޓް ފަދަ ހަކަތައިގެ ވަސީލަތްތަކަށް އަމާޒުކޮށްފައިވޭ" އިޒްރޭލު ފުލުހުން ބުނެފައިވެއެވެ.
މި މަސައްކަތުގައި ސްޓްރެޓީޖިކް ތަންތަން ފޮޓޯނަގައި ޑޮކިއުމެންޓްކުރުން ހިމެނޭ ކަމަށާއި، އެއްކުރެވުނު މަޢުލޫމާތު އީރާނުގެ އޭޖެންޓުންނާ ހަވާލުކުރެވުނު ކަމަށް ފުލުހުން ބުނެފައިވެއެވެ.
