ރާއްޖެ
ހުރަވީ ސްކޫލު ކުއްޖެއް މަރުވުން
ހުރަވީ ސްކޫލުގައި އިން ކުއްޖަކު ކުއްލި ގޮތަކަށް މަރުވެއްޖެ
މަރުވީ 13 އަހަރުގެ ކުއްޖެއް
އަމްނާ އިމާދު, ރާއްޖެ އެމްވީ | 17 އޮކްޓޯބަރު 2024 | ބުރާސްފަތި 07:25
ހުރަވީ ސްކޫލް
ހުޅުމާލެ ހުރަވީ ސްކޫލުގައި އިން ކުއްޖަކު ކުއްލި ގޮތަކަށް މަރުވެއްޖެ އެވެ.
ބުރާސްފަތި ދުވަހު ފުލުހުން ބުނީ ހުރަވީ ސްކޫލުގައި އިން ކުއްޖަކަށް ސިއްހީ ހާލަތެއް މެދުވެރިވެގެން ހުޅުމާލެ ހޮސްޕިޓަލަށް ގެންގޮސްފައިވާ ކަމަށް ހެނދުނު ރިޕޯޓުކޮށްފައިވާ ކަމަށެވެ.
އެކުއްޖާ ހޮސްޕިޓަލަށް ގެންދިޔައިރު ވެސް މަރުވެފައިވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުނެއެވެ. އެއީ 13 އަހަރުގެ އަންހެން ކުއްޖެއް ކަމަށް ފުލުހުން ބުނެއެވެ.
އިތުބާރު ހުރި ފަރާތަކުން ރާއްޖެއެމްވީއަށް ބުނީ އެ ކުއްޖާ މަރުވީ ފިޓް ޖެހިގެން ކަމަށާއި، ހޮސްޕިޓަލަށް ގެންދިޔައިރު ވެސް ހަށިގަނޑުގައި އެއްވެސް ހަރަކާތެއް ނެތް ކަމަށެވެ.
މިމައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.
