އެމްއެންޑީއެފްގެ އަސްކަރީ ތަމްރީނުތަކެއް މާލެ ސަރަހައްދުގައި ފަށައިފި

މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)ގެ އަސްކަރީ ތަމްރީނުތަކެއް މާލެ ސަރަހައްދުގައި ފަށައިފިއެވެ.

އެމްއެންޑީއެފުން ބުނީ އޮކްޓޫބަރު 5 ވަނަ ދުވަހު އަސްކަރީ ތަމްރީނުތަކެއް މާލެ ސަރަހައްދުގައި ފަށާފައިވާ ކަމަށާއި، 18 ވަނަ ދުވަހުގެ ނިޔަލަށް މި ތަމްރީނުތައް ކުރިއަށްދާނެ ކަމަށެވެ.

އެމްއެންޑީއެފުން ބުނީ މި ތަމްރީނުތަކުގެ ފަރިތަކުރުންތައް ކުރިއަށްގެންދަނީ ހުޅުމާލެ ފޭސް-3، ފަރުކޮޅުފުށި، ވެލާނާ އިންޓަރނޭޝަނަލް އެއަރޕޯޓްގެ އިތުރުން ހުޅުމާލެ މެއިން ބަސް ސްޓޭޝަން (ފެރީ ޓާމިނަލް ކުރިމަތި) ގައި ކަމަށެވެ.

މި ތަމްރީނުތަކުގައި ސިފައިން ހަތިޔާރާއެކު ހަރަކާތްތެރިވަމުންދާކަން ހާމަކޮށް އެމްއެންޑީއެފުން ބުނީ ލައިވް ވަޒަނާއި ގޮވާޒާތުގެ ނުރައްކާތެރި އެއްވެސް ބާވަތެއް މި ތަމްރީނުތަކުގައި ބޭނުން ނުކުރާ ކަމަށެވެ.

މި ތަމްރީނުތަކާއި ގުޅޭ އިތުރު ތަފްސީލެއް ހާމަނުކުރި ނަމަވެސް އެމްއެންޑީއެފުން ދޭތެރެ ދޭތެރެއިން މާލެ ސަރަހައްދުގެ އިތުރުން އަތޮޅުތެރޭގައި ޚާއްސަ އޮޕަރޭޝަންތައް ކުރިއަށް ގެންދެއެވެ.