ރައީސް މުއިއްޒުއަށް އިންޒާރުދިން މައްސަލައިގައި މީހަކު ހައްޔަރުކޮށްފި
ދައުލަތުގެ އެކި ފެންވަރުގެ ވެރިންނަށް ނިސްބަތްކޮށް މަރާލާނެކަމަށް ބުނެ އިންޒާރުދީފައިވޭ
ރައީސް މުއިއްޒުއަށް އިންޒާރު ދިން މައްސަލައިގައި ހައްޔަރުކުރި މިޔާދު
ރައީސް ޑރ. މުހައްމަދު މުއިއްޒުއަށް އިންޒާރުދިން މައްސަލައިގައި މީހަކު ހައްޔަރުކޮށްފިއެވެ.
ފުލުހުން ބުނީ ކ. މާލެ ސަންސަނާގެ، އަބްދުﷲ މިޔާދު (40އ) ބޭނުންކުރާކަމަށް ބެލެވޭ ފޭސްބުކު އެކައުންޓްތަކުން، ރައީސް ޑރ. މުހައްމަދު މުއިއްޒުއަށާއި ދައުލަތުގެ އެކި ފެންވަރުގެ ވެރިންނަށް ނިސްބަތްކޮށް މަރާލާނެކަމަށް ބުނެ އިންޒާރުދީ އަދި އިތުރު އެހެން ފަރާތްތަކަށް ނިސްބަތްކޮށް މަރާލާނެ ކަމަށާއި، އަދި އެ ނޫން ގޮތްގޮތުން ގެންލުން ދޭނެކަމަށް ބުނެ އިންޒާރުދީ ހަޑި ހުތުރު ބަހުން އެކި ޕޯސްޓް ކުރަމުން ގެންދިއުމާއެކު އެއް ޖިންސުން ގުޅުން ހިންގުމަށް ހިތްވަރުދޭ ގޮތަށް ޕޯސްޓްތައް ކުރަމުންދާ މައްސަލައާއި ގުޅިގެން އޭނާ ހައްޔަރުކޮށްފައިވާ ކަމަށެވެ.
ފުލުހުން ބުނީ އޭނާ ހައްޔަރުކޮށްފައިވަނީ ރާއްޖެއިން ބޭރުގައި ހުރެފައި އަންގާރަ ދުވަހުގެރޭ ރާއްޖެ އައުމުން ކަމަށެވެ.
މި މައްސަލަ ފުލުހުންދަނީ ތަހުގީގުކުރަމުންނެވެ.
