ހިޒްބުﷲ ގެ ލީޑަރު އަވަހާރަކޮށްލައިފި ކަމަށް އިޒްރޭލުން ބުނެފި
މިކަމާ ގުޅޭގޮތުން ލުބުނާނުގެ އެ ޖަމާޢަތުން އެއްވެސް އެއްޗެއް ބުނެފައެއް ނުވެއެވެ
ރާއްޖެ އެމްވީ | 28 ސެޕްޓެމްބަރު 2024 | ހޮނިހިރު 11:07
ފެބްރުއަރީ، 16، 2024 ގައި ހިޒްބުﷲގެ ލީޑަރު ޙަސަން ނަޞްރުﷲ ޓީވީ މެދުވެރިކޮށް ބަޔާނެއް ދެއްވަނީ
ހުކުރު ދުވަހުގެ ރޭ ބެއިރޫތުގެ ބައިބޯ ސަރަޙައްދަކަށް އިޒްރޭލުން ބޮންއަޅާ ދިން ވަރުގަދަ ހަމަލާގައި ހިޒްބުﷲގެ ލީޑަރު ޙަސަން ނަޞްރުﷲ އަވަހާރަކޮށްލައިފި ކަމަށް އިޒްރޭލުގެ އަސްކަރިއްޔާއިން ބުނެފިއެވެ.
މިކަމާ ގުޅޭގޮތުން ލުބުނާނުގެ އެ ޖަމާޢަތުން އެއްވެސް އެއްޗެއް ބުނެފައެއް ނުވެއެވެ.
ހޮނިހިރު ދުވަހުގެ ހެނދުނާ ހަމައަށްވެސް ލުބުނާނުގެ އެކި ސަރަޙައްދުތަކަށް އިޒްރޭލުން ވައިގެ ހަމަލާތައް އަންނަނީ ދެމުންނެވެ.
އިޒްރޭލުގެ ހަމަލާތައް ނުރައްކާވެފައިވުމާއެކު އެތައް ހާސް މީހުން ގެދޮރު ދޫކޮށް އެ ސަރަހައްދުން ދަނީ ނުކުންނަމުންނެވެ.
