ސަލްފް ޖަމިއްޔާއިން "ރިޝްވަތު" ގެ ނަމުގައި ޚާއްސަ ދީނީ ދަރުހެއް ދޭން ނިންމައިފިއެވެ.
އެޖަމިއްޔާއިން މި ދަރުސް އިސްތިހާރު ކުރުމަށް ހަދާފައިވާ ޕޯސްޓަރުގައި ބުނެފައި ވަނީ ދަރުސް ބޭއްވުމަށް ހަމަޖެހިފައި ވަނީ އަންނަ ހުކުރު ދުވަހުގެ ރޭ 8:45ގައި އަލިމަސް ކާނިވާ ސުޓޭޖްގައި ކަމަށެވެ. އަދި މި ދަރުސް ދެއްވުމަށް ހަމަޖެހިފައިވަނީ އައްޝައިޚް މުޙައްމަދު ނަޝީދު އާދަމް އާއި އައްޝައިޚް އަލީ ޒާހިރު ބިން ސަޢީދު ގާސިމް ކަމަށް އެ ޕޯސްޓަރުގައި ވެއެވެ.
"ރިޝްވަތު" ގެ ނަމުގައި ސަލަފުން ދަރުހެއް ދޭން ނިންމާފައި ވަނީ މެމްބަރުންނާއި ފަނޑިޔާރުން އަދި ސިޔާސީ ބައެއް ފަރާތްތައް ރިޝްވަތުގައި ހިފާ ކަމަށް ރައްޔިތުންގެ ތެރޭގައި އެވާހަކަ ދެކެވެމުންދާ ދަނޑިވަޅެއްގައެވެ.