އެމްއެފްޑީއޭއަށް ފަސޭހައިން ރިޕޯޓު ކުރެވޭނެ މެކޭނިޒަމެއް ގާއިމްކުރަނީ
22 އޯގަސްޓު 2024 | ބުރާސްފަތި 13:08އެމްއެފްޑީއޭގެ ނަންބަރަށް ފޮޓޯއާއެކު މެސެޖު ކުރުމުން އެތަނަށްގޮސް ފިޔަވަޅު އަޅާނެ
ޞިއްޙަތާ ބެހޭ ވުޒާރާ ހުންނަ އިމާރާތް
މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އަށް ފަސޭހައިން ރިޕޯޓު ކުރެވޭނެ މެކޭނިޒަމެއް ގާއިމްކުރާނެ ކަމަށް ހެލްތް މިނިސްޓަރު އަބްދުﷲ ހަލީލް ވިދާޅުވެއްޖެއެވެ.
ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމުވައި މިނިސްޓަރު ހަލީލު ވިދާޅުވީ ކާބޯތަކެތީގެ ރައްކާތެރިކަން ކަށަވަރުކުރުމަށް ގިނަ މަސައްކަތްތައް ކުރަމުންދާ ކަމަށެވެ. މިމަސައްކަތުގެ ދަށުން ފަސޭހައިން ރިޕޯޓު ކުރެވޭނެ އިންތިޒާމް ހަމަޖެއްސުމަށްޓަކައި، ފަސޭހައިން ރިޕޯޓުކުރެވޭނެ މެކޭނިޒަމެއް ގާއިމްކުރާނެ ކަމަށް މިނިސްޓަރު ހަލީލު ވިދާޅުވިއެވެ.
މިނިސްޓަރު ހަލީލު ވިދާޅުވީ ކާބޯތަކެތީގެ ޚިދުމަތް ދޭ ތަންތަނުގެ ސާފުތާހިރުކަން ކުޑަނަމަ ނުވަތަ އެނޫން ވެސް ގަވާއިދާ ހިލާފަށް ކަމެއް ކުރާނަމަ އެމްއެފްޑީއޭގެ ނަންބަރަށް ފޮޓޯއާއެކު މެސެޖު ކުރުމުން އެތަނަށްގޮސް ފިޔަވަޅު އަޅާނެ ކަމަށެވެ.
މިނިސްޓަރު ހަލީލު ވިދާޅުވީ ފަސޭހައިން ރިޕޯޓު ކުރެވޭނެ މެކޭނިޒަމެއް ގާއިމްކުރަނީ މިމައްސަލަ ހައްލު ކުރުމަށް ރައްޔިތުންގެ އެއްބާރުލުން ބޭނުންވާތީ ކަމަށެވެ. އެހެންކަމުން ކޮންމެ މީހަކު ވެސް ފަރުދީ ޒިންމާ ނަގައި ކާނާގެ ރައްކާތެރިކަން ކަށަވަރު ކުރުމަށް ކުރަމުންދާ މަސައްކަތަށް އެއްބާރުލުން ދިނުމަށް އެދިވަޑައިގެންފައިވެއެވެ.
