ކ އަތޮޅުން ފެށިގެން އައްޑޫ ސިޓީއަށް ވައިޓް އެލަރޓް ނެރެފި
13 އޯގަސްޓު 2024 | އަންގާރަ 07:45އެލަރޓް ނެރެފައިވަނީ ކ އަތޮޅުން ފެށިގެން އައްޑޫ ސިޓީއަށް އަންގާރަ ދުވަހުގެ 12:30ން އިރު އޮއްސި 18:30ށް
މޫސުން ގޯސްވާނެކަމަށް ވަނީ އަންދާޒާކޮށްފައި
ކ އަތޮޅުން ފެށިގެން އައްޑޫ ސިޓީއަށް ވައިޓް އެލަރޓް ނެރެފިއެވެ.
މޫސުމާ ބެހޭ ޤައުމީ އިދާރާއިން ވައިޓް އެލަރޓް ނެރެފައިވަނީ ކ އަތޮޅުން ފެށިގެން އައްޑޫ ސިޓީއަށް އަންގާރަ ދުވަހުގެ 12:30ން އިރު އޮއްސި 18:30 އަށެވެ.
މޫސުމާ ބެހޭ އިދާރާއިން ބުނެފައިވަނީ މި ވަގުތުތަކުގައި ބޮކޮށް ވާރޭ ވެހުމާއެކު ގުގުރާނެ ކަމަށާއި، ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާ ކުރެވޭ ކަމަށެވެ.
މި ހަފްތާ ތެރޭގައި މޫސުން ގޯސްވާނެކަމަށް މެޓް އޮފީހުން އަންދާޒާ ކޮށްފައިވެއެވެ. އެގޮތުން ގަދަވާރެޔާއެކު ފެން ބޮޑުވެދާނެކަމަށް ބަލައި ތައްޔާރުވެ ތިބުމަށް ކަމާބެހޭ ފަރާތްތަކުން ވަނީ އެދިފައެވެ.
ރާއްޖޭގެ ބޮޑު ބަޔަކަށް ގުގުރުމާއެކު ވިއްސާރަކޮށް، ބޯކޮށް ވާރޭވެހި، ވިލާގަނޑުގައި ގަޑިއަކު 40 މޭލާއި 45 މޭލަށް ވައިބާރުވާނެ ކަމަށާއި، ވިލާގަނޑުގައި ކަނޑުތައް ގަދަވާނެކަމަށް މޫސުމާބެހޭ އިދާރާއިން ވަނީ ބުނެފައެވެ.
