ޓެންހަގް ހިތްދަތިވެއްޖެ، މިއީ ރަނގަޅު ސިގްނަލެއް!

ކޮމިއުނިޓީ ޝީލްޑް މެޗުން ބަލިވެ، ތަށި ނުލިބުމުން އޭނާ އާއި މެންޗެސްޓާ ޔުނައިޓެޑްގެ ކުޅުންތެރިން ވަރަށް ބޮޑަށް ހިތްދަތިވެއްޖެކަމަށް ކޯޗު އެރިކް ޓެންހަގް ބުނެފި އެވެ.

އިނގިރޭސި އައު ފުޓްބޯޅަ ސީޒަން ފެށުމުގެ ގޮތުން ކުޅުނު ކޮމިއުނިޓީ ޝީލްޑް މެޗުން ހުސްވި ސީޒަނުގެ އެފްއޭކަޕް ޗެމްޕިއަން ޔުނައިޓެޑް ބަލިވީ ލީގު ޗެމްޕިއަން މެންޗެސްޓާ ސިޓީއާ ވާދަކޮށް 2-2އިން އެއްވަރުވުމުން ޕެނަލްޓީ ޖަހައިގެން 7-6އިންނެވެ.

އޭނާ ބުނީ ހުސްވި ހުސްވި ސީޒަނުގެ އެފްއޭކަޕުގައި ސިޓީ ބަލިކުރި ނަމަވެސް އާ ސީޒަން ފަށަން ކުޅުނު މެޗުން ބަލިވިއިރު ރަނގަޅު ވަރަށް ގިނަ ކަންކަން ފާހަގަކުރެވިފައިވާ ކަމަށެވެ.

ކޯޗު ބުނީ މި މެޗުގައި ޒުވާން ބައެއް ކުޅުންތެރިން ޓެސްޓް ކުރަން ހިތުލައިގެން ހުއްޓަސް އެކަން ނުކުރެވުނީ މެޗުގެ އޮއިވަރުދިޔަ ގޮތުން ކަމަށެވެ.