ސަރުކާރަށް ދޭނީ 40 މާކްސް، 60 މާކްސް ކަނޑާލާނީ ދޮގަށް: އުމަރު
5 އޯގަސްޓު 2024 | ހޯމަ 03:56ސަރުކާރުން އެތައް ދޮގުތަކެއް ހަދަމުންދާކަމަށް އުމަރު ވިދާޅުވި
ކުރީގެ ހޯމް މިނިސްޓަރ އުމަރު ނަސީރު
މި ހިނގަމުންދާ ސަރުކާރަށް މާކްސް ދޭނަމަ ދެއްވާނީ 40 މާކްސް ކަމަށާއި، 60 މާކްސް ކަނޑާލަން ޖެހެނީ ސަރުކާރުން ހަދާ ދޮގުތަކަށް ކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ.
އޭނާ އެހެން ވިދާޅުވީ ރާއްޖެޓީވީގެ ފަށާއިރު ޕްރޮގްރާމްގައި ވާހަކަ ދައްކަވަމުންނެވެ. އެގޮތުން ސަރުކާރުން އެތައް ދޮގުތަކެއް ހަދަމުންދާކަމަށް އުމަރު ވިދާޅުވިއެވެ.
އެގޮތުން ބަލާއިރު، އިޒްރޭލު ޕާސްޕޯޓު މައްސަލައާއި، އިންޑިއާ ސިފައިން ބޭރު ކުރިކަމަށް ބުނާ ވާހަކައާއި، ރައީސް ޔާމީނު މިނިވަން ކުރުން ފަދަ ކަންކަން އުމަރު ފާހަގަ ކުރެއްވިއެވެ.
އުމަރު ވިދާޅުވީ މި ހިނގަމުންދާ ސަރުކާރުން ދައުރު ނިންމާލެވޭނެކަމާމެދު ޝައްކު ކުރާ އެތައް ބަޔަކުވެސް އެބަތިބި ކަމަށާއި، އޭނާއަކީވެސް އެ ޝައްކުގެ މަތީގައި ހުންނެވި ފަރާތެއް ކަމަށެވެ.
