އޮލިމްޕިކްސްގައި ވާދަކުރާ ބްރެޒިލްގެ ދެ ފެތުންތެރިންގެ ތެރެއިން އަނާ ކެރޮލީނާ މުބާރާތުން ވަކިކޮށް، އޭނާގެ ފިރިމީހާ އަށް އިންޒާރުދީފި އެވެ.
ބްރެޒިލްގެ އޮލިމްޕިކް ކޮމިޓީން މި ގޮތަށް ނިންމީ ހުއްދަ ނެތި މި ދެ އެތްލީޓުން އޮލިމްޕިކް ވިލެޖުން ނުކުމެ ފްރާންސްގެ އެއިފީލް ޓަވަރު ބަލަން ދިއުމުންނެވެ.
އަނާ ކެރޮލީނާ އާއި އޭނާގެ ޓީމް މޭޓް އަދި ފިރިމީހާ ގަބްރިއަލް ސަންޓޯސްގެ މައްސަލަ ފަޅާ އެރީ ޓަވަރަށް ދިއުމަށް ފަހު އެތަނުގެ ފޮޓޯ އަނާގެ އަމިއްލަ އިންސްޓަގްރާމް އެކައުންޓްގައި ޝާއިއު ކުރުމުންނެވެ. އަނާގެ ފިރިމީހާއަށް އަންގާފައިވަނީ މިފަދަ އަމަލެއް އޭނާ ތަކުރާރުކޮށްފިނަމަ އެނބުރި ގައުމަށް ފޮނުވާލާނެ ކަމަށެވެ.
ބްރެޒިލަށް ފޮނުވާލިއިރު އަނާ ވަނީ ހަތަރެއް ގުނަ 100 މީޓަރު ރޭހުގައި، އަނާ ބައިވެރިވި ޓީމް އިވެންޓުން ބްރެޒިލް ދިޔައީ ހަތް ވަނަ އަށެވެ.
އަހަރުމެން މިތަނުގައި މިތިބީ ޗުއްޓީ ހަދާކަށްނޫން. އަހަރުމެން މިތަނުގައި މިތިބީ ބްރެޒިލްގެ 200 މިލިއަން މީހުންގެ ޓެކްސް ފައިސާ ހޭދަކޮށްގެން. އޭނާގެ އަމަލަކީ އެއްގޮތަކަށް ވެސް ބަލައިގަނެވޭނެ ކަމެއްނޫން.ބްރެޒިލްގެ ކޯޗު ގުސްޓާވޯ އޮޓްސޫކާ
ގައުމަށް ފުރުމުގެ ކުރިން އަނާ ވަނީ އޭނާގެ ކުށަށް މައާފަށް އެދިފަ އެވެ.
