އެޗްއާރުސީއެމްގެ މެމްބަރުކަމަށް އީސީގެ ކުރީގެ ނައިބު ރައީސް ހަބީބު އައްޔަނުކުރަން ކޮމިޓީން ފާސްކޮށްފި
30 ޖުލައި 2024 | އަންގާރަ 06:35ރައީސުލްޖުމްހޫރިއްޔާ މަޖިލީހަށް ފޮނުއްވެވި ސިޓީ މަޖިލީހުން ބެލުމަށްފަހު، ކޮމިޓީއަށް ފޮނުވައި ކޮމިޓީން އިންޓަވިއު ކުރި
އިލެކްޝަންސް ކޮމިޝަން (އީސީގެ) ކުރީގެ ނައިބު ރައީސް އިސްމާއިލް ހަބީބު
އެޗްއާރުސީއެމްގެ މެމްބަރުކަމަށް އިލެކްޝަންސް ކޮމިޝަން (އީސީގެ) ކުރީގެ ނައިބު ރައީސް އިސްމާއިލް ހަބީބު އައްޔަނު ކުރެއްވުމަށް ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީން ފާސްކޮށްފިއެވެ.
ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑަރ ކޮމިޓީން އެގޮތަށް ފާސްކޮށްފައިވަނީ އަންގާރަ ދުވަހު ބޭއްވި ކޮމިޓީ ބައްދަލުވުމުގައި ބައިވެރިވެވަޑައިގެންނެވި މެމްބަރުންގެ އިއްތިފާޤުންނެވެ.
އެ މަޤާމަށް ހަބީބު އައްޔަނު ކޮށްފައިވަނީ ހަބީބަށް ރުހުން އޮތްތޯ ބެއްލެވުމަށް އެދިވަޑައިގެން ރައީސުލްޖުމްހޫރިއްޔާ މަޖިލީހަށް ފޮނުއްވެވި ސިޓީ މަޖިލީހުން ބެލުމަށްފަހު، ކޮމިޓީއަށް ފޮނުވައި ކޮމިޓީން އިންޓަވިއު ކޮށްގެންނެވެ.
އެޗްއާރުސީއެމްގެ މެމްބަރު ކަމުގެ މަޤާމު ހުސްވެފައިވަނީ އެ ކޮމިޝަނުގެ ނައިބު ރައީސް ޑރ. އަހުމަދު އަދުހަމް އަބްދުالله އިސްތިއުފާ ދެއްވުމުމާއި ގުޅިގެންނެވެ.
