ސީރިއާގެ ރައީސް އާއި ރަޝިއާގެ ރައީސް މޮސްކޯގައި ބައްދަލު ކުރައްވައިފި
މި ދެބޭފުޅުން އެންމެ ފަހުން ބައްދަލު ކުރައްވާފައިވަނީ މި ދިޔަ އަހަރުގެ މާޗް މަހު ރަޝިއާ ގެ ކްރެމްލިން ގައެވެ.
15 މާޗް 2023 ގައި ރަޝިއާގެ ރައީސް ޕޫޓިން އާއިި ސީރިއާގެ ރައީސް ބައްޝާރުލް އަސަދް ބައްދަލުވުމުގެ ތެރެއިން
ސީރިއާގެ ރައީސް ބައްޝާރުލް އަސަދް އާއި ރަޝިއާ ގެ ރައީސް ވުލެޑިމިއަރ ޕުޓިން މޮސްކޯ ގައި ބައްދަލު ކުރައްވާ ދެ ގައުމުގެ ގުޅުމާ ބެހޭ ގޮތުންނާއި ސަރަހައްދީ މައްސަލަތަކާ ބެހޭ ގޮތުން މަޝްވަރާ ކުރައްވައިފިއެވެ.
ބުރާސްފަތި ދުވަހު މި ދެބޭފުޅުން މޮސްކޯގައި ބައްދަލު ކުރައްވާ މަޝްވަރާ ކުރެއްވި އިރު، އަސަދު މޮސްކޯ އަށް މި ކުރެއްވި ދަތުރުފުޅަކީ ޕުޓިންގެ ދައުވަތަކަށް ކުރެއްވި ދަތުރުފުޅެއް ކަމަށް ރަޝިއާގެ ޓާސް ނިއުސް އޭޖެންސީން ނާއި ސީރިއާގެ ސަނާ ނިއުސް އޭޖެންސީން ބުނެފައިވެއެވެ.
މިއީ މިދިޔަ އަހަރެއްހާ ދުވަހުގެ ތެރޭގައި މި ދެބޭފުޅުންގެ ބައްދަލު ކުރެއްވި ފުރަތަމަ ފަހަރެވެ.
ބައްދަލުވުމުގެ އިތުރު ތަފްސީލްތައް ހާމަ ކޮށްފައެއް ނުވެއެވެ.
މި ދެބޭފުޅުން އެންމެ ފަހުން ބައްދަލު ކުރައްވާފައިވަނީ މި ދިޔަ އަހަރުގެ މާޗް މަހު ރަޝިއާ ގެ ކްރެމްލިން ގައެވެ.
ރަޝިއާ އަކީ ސީރިއާ އާ ވަރަށް ގާތް ގުޅުމެއް ބާއްވަމުން އަންނަ ގައުމެކެވެ. 2015 ވަނަ އަހަރުން ފެށިގެން އައިސިސް ފަދަ ހަތިޔާރު އެޅި ޖަމާއަތަތްތަކާ ހަނގުރާމަ ކުރުމަށް އަސަދު ގެ ޚާއްސަ އެދިވަޑައިގަތުމަކަށް ޕުޓިން ވަނީ ރަޝިއާގެ ސިފައިން ސީރިއާ އަށް ފޮނުއްވާފައެވެ.
