ބަންގްލަދޭޝްގެ ސަރުކާރާ ދެކޮޅަށް ޔޫއޭއީ ގައި މުޒާހަރާ ކުރި 57 ބަންގްލަދޭޝް މީހުން ދިގު މުއްދަތައް ޖަލަށް ލައިފި
ޔޫއޭއީ ގައި ދިރިއުޅޭ ބަންގްލަދޭޝް މީހުން ބޭއްވި މުޒާހަރާގެ ބައިވެރިންގެ ތެރެއިން އެކަކުގެ މައްޗަށް އުމުރަށް ޖަލަލަށް ލުމުގެ ހުކުމް އައި އިރު އިތުރު 53 މީހުންގެ މައްޗަށް 10 އަހަރުގެ ޖަލު ހުކުމެއް ކޮށްފައިވެއެވެ. އިތުރު މީހަކު 11 އަހަރަށް ޖަލަން ލާން ކޯޓުގެ ހުކުމުގައިވާ ކަމަށް ޔޫއޭއީގެ ދައުލަތުގެ މީޑިއާ އިން ބުނެފައިވެއެވެ.
މިދިޔަ ހަފްތާގެ ތެރޭގައި ބަންގްލަދޭޝްގެ އެކި ހިސާބުތަކުގައި ސަރުކާރާ ދެކޮޅަށް މުޒާހަރާތައް ކޮށްފައިވޭ
ބަންގްލަދޭޝްގެ ސަރުކާރާ ދެކޮޅަށް ޔޫއޭއީ ގައި މުޒާހަރާ ކުރި 57 ބަންގްލަދޭޝް މީހަކު ދިގު މުއްދަތައް ޖަލަށް ލުމަށް ޔޫއޭއީ ގެ ކޯޓަކުން ހުކުމް ކޮށްފިއެވެ.
ބަންގްލަދޭޝްގައި އެ ގައުމުގެ ސަރުކާރާ ދެކޮޅަށް ކުރިއަށް ދިޔަ މުޒާހަރާ އާއި ބައިވެރި ވުމުގެ ގޮތުން މި ދިޔަ ހުކުރު ދުވަހު ޔޫއޭއީ ގައި ދިރިއުޅޭ ބަންގްލަދޭޝް މީހުން ބޭއްވި މުޒާހަރާގެ ބައިވެރިންގެ ތެރެއިން އެކަކުގެ މައްޗަށް އުމުރަށް ޖަލަލަށް ލުމުގެ ހުކުމް އައި އިރު އިތުރު 53 މީހުންގެ މައްޗަށް 10 އަހަރުގެ ޖަލު ހުކުމެއް ކޮށްފައިވެއެވެ. އިތުރު މީހަކު 11 އަހަރަށް ޖަލަން ލާން ކޯޓުގެ ހުކުމުގައިވާ ކަމަށް ޔޫއޭއީގެ ދައުލަތުގެ މީޑިއާ އިން ބުނެފައިވެއެވެ.
ދިރިއުޅޭ އާބާދީގެ 90 އިންސައްތަ ބިދޭސީންގެ މައްޗަށް އެކުލެވިފައިވާ ޔޫއޭއީ ގައި މުޒާހަރާ ކުރުމާއި ހަޅުތާލު ކުރުމަކީ މަނާ ކަމެކެވެ. ޔޫއޭއީގެ ދިރިއުޅޭ އާބާދީގައި ތިން ވަނަ އަށް އެންމެ ގިނައީ ބަންގްލަދޭޝްގެ ރައްޔިތުންނެވެ.
ބަންގްލަދޭޝްގެ ޔުނިވަރސިޓީ ދަރިވަރުން އިސްނަގައިގެން ބަންގްލަދޭޝްގައި ފެށި މުޒާހަރާ ބޮޑު ހަމަނުޖެހުމަކަށް ބަދަލުވެ، ފުލުހުންނާ މުޒާހަރާގެ ބައިވެރިންނާ ދެމެދު ހިނގި ކުރިމަތިލުން ތަކުގައި 150ށް ވުރެ ގިނަ މީހުން ވަނީ މަރުވެފައެވެ. 500ށް ވުރެ ގިނަ މީހުން ހައްޔަރު ކޮށްފައިވާ ކަމަށްވެސް މީޑިއާ ރިޕޯޓްތައް ބުނެއެވެ.
ހޯމަ ދުވަހު މުޒާހަރާގައި އިސްކޮށް އުޅޭ ފަރާތްތަކުން ވަނީ ސަރުކާރަށް ކާފިއު އުވާލާ އިންޓަނެޓް ޚިދުމަތް އަލުން ދިނުމަށް 48 ގަޑިއިރުގެ މުހުލަތެއް ދީފައެވެ. މީގެ އިތުރުން މުޒާހަރާގެ ބައިވެރިންނާ ދެކޮޅަށް ބާރުގެ ބޭނުން ކުރި ފަރާތްތައް އިސްތިއުފާ ދިނުމަށްވެސް ވަނީ ގޮވާލާފައެވެ.
ބަންގްލަދޭޝްގައި މި ހިނގި ހަމަނުޖެހުން ތަކަކީ ޝެއިޚް ހަސީނާގެ 15 އަހަރުގެ ދިގު ވެރިކަމުގައި ކުރިމަތިވި އެންމެ ބޮޑު ގޮންޖެހުން ކަމަށް ރިޕޯތްތައް ބުނެއެވެ.
ޔޫއޭއީ ގައި ހިނގި ޝަރީއަތުގައި ދިފާއުގައި ދެއްކި އެއްވެސް ވާހަކަ އަކަށް ފަނޑިޔާރު ބަލާފައި ނުވާ ކަމަށާއި، ޖަލު މުއްދަތު ހަމަވުމުން އެ އެންމެން ޑީޕޯޓް ކޮށްލުމަށް ހުކުމް ކޮށް މައްސަލަ ނިންމާލީ ކަމަށް އިންސާނީ ހައްގުތަކަށް މަސައްކަތް ކުރާ އަމިއްލަ ޖަމްއިއްޔާ އަކުން މި ޝަރީއަތައް ފާޑުކިޔަމުން ބުނެފައިވެއެވެ.
