ނެޝަނަލް ރަޖިސްޓްރޭޝަން ސިސްޓަމް "ނާރެސް ޕޯޓަލް" އިފްތިތާހްކޮށްފި
19 ޖުލައި 2024 | ހުކުރު 17:44މި ޕޯޓަލް މެދުވެރިކޮށް އައިޑީ ކާޑަށް މިހާރު އެޕްލައި ކުރުމުގެ ފުރުސަތު ލިބިގެންދާނެ
ނެޝަނަލް ރަޖިސްޓްރޭޝަން ސިސްޓަމް "ނާރެސް ޕޯޓަލް" އިފްތިތާހްކުރުމުގެ ރަސްމިއްޔާތުގެ ތެރެެއިން
ނެޝަނަލް ރަޖިސްޓްރޭޝަން ސިސްޓަމް "ނާރެސް ޕޯޓަލް" އިފްތިތާހްކޮށްފިއެވެ.
ހުކުރު ދުވަހުގެ ރޭ ދަރުބާރުގޭގައި ބޭއްވި ރަސްމިއްޔާތެއްގައި އެ ޕޯޓަލް އިފްތިތާހްކޮށްދެއްވާފައި ވަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒެވެ.
ހޯމް މިނިސްޓްރީން ބުނީ އެ ޕޯޓަލް މެދުވެރިކޮށް ރަށްރަށުގައި ތިބެގެން އަމިއްލައަށް އޮންލައިންކޮށް އައިޑީ ކާޑަށް އެދި އެޕްލައި ނުކުރެވޭ ފަރާތްތަކަށް ރަށްރަށުގައި ތިބެގެން ފަސޭހަ ކަމާއެކު އެޕްލައި ކުރުމަށް މަގުފަހިވެގެންދާނެ ކަމަށެވެ. އެކަމާއި ގުޅޭ ގޮތުން ސިޓީތަކާއި ކައުންސިލްތަކާއި ބެހޭ މިނިސްޓްރީން ބުނެފައި ވަނީ އައިޑީކާޑު ހެއްދުމުގެ ހިދުމަތް ދިނުމުގައި އުމުރުން ދުވަސްވީ މީހުންނަށް ލުއި ފަސޭހަ ގޮތްތަކެއް ހޯދައިދިނުމަށާއި، ކައުންސިލްތަކާއި އެކު އޮތް ގުޅުން އިތުރަށް ބަދަހި ކުރުމަށް ނާރެސް ޕޯޓަލް އިން މަގުފަހިވެގެންދާނެ ކަމަށެވެ.
މި ޕޯޓަލް މެދުވެރިކޮށް އައިޑީ ކާޑަށް މިހާރު އެޕްލައި ކުރުމުގެ ފުރުސަތު ލިބިގެންދާނެއެވެ.
ނާރެސް މެދުވެރިކޮށް ލިބޭ ޚިދުމަތްތަކުގެ ތެރޭގައި ކައުންސިލްތަކަށް އައިޑީ ކާޑުގެ ސްޓޭޓަސް ބެލުމާއި، އައިޑީކާޑު ދޫކުރުން އަދި އެޕްލިކޭޝަންތައް ބަލައިގަތުމުގެ ޚިދުމަތް ހިމެނެއެވެ.
މީގެ އިތުރުން ނާރެސް ފޯޓަލާއިއެކު ކޮންމެ ކައުންސިލަކަށް 10 އިނގިލީގެ ނިޝާން ނަގާ ފިންގާ ފްރިންޓް ޑިވަސްތަކެއްވެސް ވަނީ ހަވާލުކޮށްފައެވެ.
