ސްޕޭނުގެ އެތުލެޓިކޯ މެޑްރިޑަށް ކުޅެމުން އައި އެ ގައުމުގެ ކެޕްޓަން އަލްވާރޯ މޮރާޓާ އިޓަލީގެ އޭސީ މިލާނަށް ސޮއިކޮށްފި އެވެ.

އުމުރުން 31 އަހަރުގެ ފޯވަރޑް އެތުކެޓިކޯ މެޑްރިޑަ ދޫކޮށްލީ ސްޕޭނުގައި އޭނާ އަށް އެންމެ ފުރިހަމަ އިހްތިރާމް ނުލިބޭ ކަމަށް ބުނެ އެވެ. އާދީއްތަ ދުވަހު ނިމުނު ޔޫރޯ ތެރޭގައި ވެސް އޭނާ އާއި އޭނާގެ އަންހެނުން ވަނީ ސްޕޭނުގައި އުފަލުގައި ނުތިބެވޭ އިރު އެހެން ގައުމެއްގައި ކުޅެން ޝައުގުވެރިވާކަމަށް ބުނެފަ އެވެ.

މޮރާޓާ ވަނީ މީގެ ކުރިން ވެސް އިޓަލީގައި ކުޅެފަ އެވެ. ދެ ފަހަރެއްގެ މަތީން ޔުވެންޓަސްއަށް ކުޅެ އޭނާ ވަނީ 35 ގޯލު ޖަހައިފަ އެވެ. ސްޕޭނުގެ އެތުލެޓިކޯ މެޑްރިޑަށް ކުޅުމުގެ ކުރިން އޭނާ ވަނީ ސްޕޭނުގެ ރެއާލް މެޑްރިޑަށް ވެސް ދެ ފަަހަރު ކުޅެފަ އެވެ.

ޔޫރޯ ހިނގަމުން ދިޔައިރު މޮރާޓާ އަށް ވަނީ ގިނަ ކުލަބުތަކެއްގެ ހުށަހެޅުން ލިބިފަ އެވެ. އޭގެ ތެރޭގައި ސައޫދީ އަރަބިއާގެ އަލް ގަދްސިއްޔާ އާއި ސްޕޭނާއި ފްރާންސްގެ ކުލަބުތައް ވެސް ހިމެނެ އެވެ. ނަމަވެސް މިލާނަށް އޭނާގެ ސިކުނޑި ލަންބާލީ އެކުލަބުގެ ކުރީގެ ފޯވަރޑް އަދި ސްވިޑްގެ ކެޕްޓަން ލާޓަން އިބްރަހިމޮވިޗް އެވެ. މި ދެ މީހުން ވަނީ ޔޫރޯ ތެރޭގައ ފޯނުން ވާހަކަ ދައްކައި އެއްބަސްވުމަކަށް އައިސްފަ އެވެ. މިލާނުގައި މޮރާޓާ އަަށް އަހަރަކު ލިބޭނީ ފަސް މިލިއަން ޔޫރޯގެ އާމްދަނީއެކެވެ.