މިސަރުކާރުގެ ޕްލޭނެއް ނެތް ކަމަށް، މަސައްކަތްތައް ކުރިއަށް ގެންދިއުމުގައި ރަނގަޅު ޕްރޮސަސެއް ނެތް
ކުރީގެ ރައީސް އަބްދުﷲ ޔާމީން
އެމްއޭސީއެލްގެ ޓްރެޝަރީ ބޮންޑު ވިއްކުމަކީ އިގްތިސާދީ ބޮޑު އަދަވަޅަކަށް ވައްޓާލުން ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެއެވެ.
ބުރާސްފަތި ދުވަހުގެ ރޭ ބޭއްވި ޕީއެންއެފްގެ ޖަލްސާގައި އެމްއޭސީއެލްގެ ޓްރެޝަރީ ބޮންޑު ވިއްކައި ސަރުކާރުގެ މުވައްޒަފުންނަށް މުސާރަ ދިނުމާ ގުޅޭގޮތުން ވަނީ ޔާމީންއާ ސުވާލު ކޮށްފައެވެ. އެސުވާލަށް ޖަވާބު ދެއްވަމުން ޔާމީން ވިދާޅުވީ އެމްއޭސީއެލްއަކީ ކޮންމެ މަހަކު ވެސް މުސާރަ ދޭންޖެހޭ ކުންފުންޏެއް ކަމަށާއި، ހުރިހާ އުދުހުން ތަކަކަށް ޖެޓްފިއުލްއަށް ޕޭ ކުރަންޖެހޭ ކުންފުންޏެއް ކަމަށެވެ. އެކަން ނުކުރެވިއްޖެނަމަ އެމްއޭސީއެލް ހުއްޓުމަކަށް އަންނާނެ ކަމަށް އެމަނިކުފާނު ވިދާޅުވިއެވެ.
ޔާމީން ވިދާޅުވީ މިސަރުކާރުގެ ޕްލޭނެއް ނެތް ކަމަށާއި، މަސައްކަތްތައް ކުރިއަށް ގެންދިއުމުގައި ރަނގަޅު ޕްރޮސަސެއް ނެތް ކަމަށެވެ.
މީގެ އިތުރުން ޔާމީން ވަނީ އެސްޓީއޯގެ މާލީ ހާލަތަށް ވެސް އަލިއަޅުއްވާލައްވާ ވާހަކަދައްކަވާފައެވެ. ޔާމީން ވިދާޅުވީ އެސްޓީއޯގެ ހާލަތު އޮތް ގޮތުން އެސްޓީއޯއަށް ފައިސާ ނުދެއްކިގެން ސަރުކާރުން އެސްޓީއޯ ތެޔޮ ބިލްގެ 50 މިލިއަން ހޯދާފައިވާ ކަމަށެވެ.
ޔާމީން ވިދާޅުވީ ޓްރެޝަރީ ބޮންޑު ވިއްކުމަކީ ބޮޑު ޓްރަބަލެއް ކަމަށެވެ. މިމައްސަލަތައް ހައްލު ކުރުމަށް ވަސީލަތް ނެތް ކަމަށް އެމަނިކުފާނު ވިިދާޅުވިއެވެ. އަދި މިހާރު ޖެހޭނީ މަރިޔަބާ ކަތިވަޅިއާ ކޮށިދަނޑާ ހުރިހާ އެއްޗެއް ވެސް ވިއްކަން ކަމަށް ޔާމީން ވިދާޅުވިއެވެ.
