ފައިސަލް ޔާމީނަށް: ދެ އަންހެނެއްގެ ބަހަށް ކަރުތާފެނަށް އެރި އާރަށުގައި މަނިކުފާނު އޮތީ ސިހުރު ހަދަން
12 ޖުލައި 2024 | ހުކުރު 07:40ކަރުތާފެނަށް މޫދަށް ލައިގެން އާރަށުގައި ސިހުރު ހާހޫރުހަދަން ދެ އަންހެނެއްގެ ވިސްނުމަށް އެމަނިކުފާނު އެތާ އިންނެވި
ޓުއަރިޒަމް މިނިސްޓަރު އިބްރާހިމް ފައިސަލް
ދެ އަންހެނެއްގެ ބަހަށް ރައީސް ޔާމީން ކަރުތާފެނުގައި އާރަށުގައި ސިހުރުގެ ކަމެއްގައި އޮންނެވި ކަމަށް ފަތުރުވެރިކަމާއި ބެހޭ ވަޒީރު އިބްރާހިމް ފައިސަލް ވިދާޅުވެއްޖެއެވެ.
ޕީއެންސީން ބޭއްވި ޖަލްސާއެއްގައި، ރައީސް ޑރ. މުހައްމަދު މުއިއްޒަށް އަމާޒުވާ ސިހުރުގެ ވާހަކަތަކާއި ގުޅިގެން، ރައީސް ޔާމީނަށް ވަރަށް ބޮޑަށް ފާޑު ވިދާޅުވެ ވާހަކަ ދައްކަވަމުން ފައިސަލް ވިދާޅުވީ ޕީޕީއެމް ކިޔާ ޕާޓީއެއް، ޑީއާރުޕީއަށް މެދުވެރިވި ހާލަތަކާއި ގުޅިގެން ރައީސް މައުމޫން އިސްވެ ހުންނަވާ އުފެއްދެވި ޕާޓީއެއް ކަމަށެވެ. އަދި އެ ޕާޓީގެ ތެރެއިން ވެރިކަމަށް ވަޑައިގެންނެވި ބޭފުޅާ (ރައީސް ޔާމީން) ކަން ކުރެއްވި ގޮތް އެނގިވަޑައިގަންނަވާ ކަމަށެވެ.
ފައިސަލް ވިދާޅުވީ ސިޔާސީ ޕޯޑިއަމްތަކުގައި ދެއްކޭނެ ވާހަކަތައްވެސް ހުންނާނެ ކަމަށާއި، އެއިރު އެ ބުނާ ހުސްގޮނޑިއެއް ޕީއެންސީން ދެއްކިކަމުގައިވާނަމަ އެއިރު ދެއްކީ ރައީސް މައުމޫނުގެ ފޮޓޯ ކަމަށެވެ. އަދި ރައީސް މައުމޫންގެ ފޮޓޯ ދައްކައިގެން ވެރިކަމަށް ވަޑައިގެން އެބޭފުޅާގެ ތުންތޮންބެ ގޮސް ބޭންދީ 7 މަސް ވަންދެން ޖަލުގައި ކަމަށެވެ.
ފައިސަލް ވިދާޅުވީ މިއަދު ނުކުމެ، ހުސްގޮނޑިއޭ، ޗެއަރޕާސަންއޭ ރައީސް މުއިއްޒުއޭ، މަލާމާތުގެ ރާގަކަށް ފިނި ކޮޓަރީގައި ޕްރެޒެންޓޭޝަން ހަދައިގެން އެތާ ތިބެ ސިހުރު ހާހޫރުގެ ވާހަކަ ދެއްކީމާ ހަނދާނަށް އަންނަނީ އާރަށުގައި ހިނގިކަމެއްގެ ވާހަކަ ކަމަށެވެ.
ފައިސަލް ވިދާޅުވީ ރައީސް ޑރ. މުހައްމަދު މުއިއްޒު މިއަދު ސިޔާސީ ގޮތުން މޮޅުވީމާ ޕީޕީއެމް ޕީއެންސީގެ ރިޔާސީ ޓިކެޓް ހޯއްދެވި ކަމަށެވެ.
