ރާއްޖެ
ދޯންޏެއް ފަރަށް އެރުން
ދޯންޏެއް ފަރަށް އަރައިގެން އެމްއެންޑީއެފުން ހަރަކާތްތެރިވާން ފަށައިފި
އެއީ 75 ފޫޓުގެ ދޯންޏެއް
ލައިޝާ އަހްމަދު, ރާއްޖެ އެމްވީ | 4 ޖުލައި 2024 | ބުރާސްފަތި 05:34
ދޯންޏަށް އެހީތެރިކަން ފޯރުކޮށްދިނުމަށް އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއިން ހަރަކާތްތެރިވަނީ
ދޯންޏެއް ފަރަށް އަރައިގެން އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ، 10 މީހުންނާއެކު ށ.ވަނގާރުން މާލެ ދަތުރުކުރި "ނަސްފަރު" ނަމަކަށް ކިޔާ ދޯންޏެއް ރޭ ދަންވަރު ނ.ލޯފަރު ފަރަށް އަރައި ދިޔަވާކަމުގެ މައުލޫމާތު ލިބިފައިވާ ކަމަށެވެ.
އެއީ 75 ފޫޓުގެ ދޯންޏެއް ކަމަށް ވެސް އެމްއެންޑީއެފުން މައުލޫމާތު ދެއެވެ.
އެ ދޯންޏަށް އެހީތެރިކަން ފޯރުކޮށްދިނުމަށް އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއިން ދަނީ ހަރަކާތްތެރިވަމުންނެވެ.
