އިސްލާމީ އަގީދާއާ ބެހޭ ދެވަނަ އިލްމީ ދައުރާގައި ބައިވެރިވުމުގެ ފުރުސަތު ހުޅުވައިލައިފި

އިސްލާމީ ކަންތައްތަކާ ބެހޭ ވުޒާރާއާއި ސުޢޫދީ އަރަބިއްޔާގެ އިސްލާމީ ކަންތައްތަކާއި އައުގާފާ ބެހޭ ވުޒާރާއާ ގުޅިގެން ބާއްވާ އިސްލާމީ އަގީދާއާ ބެހޭ އީލްމީ ދެވަނަ ދައުރާގައި ބައިވެރިވުމުގެ ފުރުސަތު ހުޅުވައިލައިފިއެވެ.

މި ދައުރާ ބާއްވާން ހަމަޖެހިފައި ވަނީ މި ޖުލައި މަހު ނުވަވަނަ ދުވަހާއި ދިހަ ވަނަ ދުވަހު އިސްލާމީ މަރުކަޒުގެ ޖަލްސާ ކުރާ މާލަމުގައެވެ. ސައޫދީ އަރަބިއްޔާގެ އިސްލާމީ ކަންތައްތަކާ ބެހޭ ވިޒާރާއިން ފޮނުއްވާ ދީނީ އިލްމުވެރީން އެކި ދަންފަޅިތައް ނަންގަވައިދެއްވާ މި ދައުރާގައި މައުލޫމާތު ދެއްްވާނީ އަރަބި ބަހުންނެވެ.

މީގެ ފުރަތަމަ ދައުރާ ބާއްވައިފައި ވަނީ މެއި މަހުގައެވެ. އެ ދައުރާގައި ވެސް އެކި އުމުރުފުރާގެ ގިނަ އަދަދެއްގެ މީހުން ވަނީ ބައިވެރިވެފައެވެ.

ސައޫދީ އަރަބިއްޔާގެ އިސްލާމީ ކަންތައްތަކާ ބެހޭ ވުޒާރާއާ ގުޅިގެން ބާއްވާ މި ދައުރާތަކާ ގުޅޭ ގޮތުން އިސްލާމީ ކަންތައްތަކާ ބެހޭ ވަޒީރު، ޑރ. މުޙައްމަދު ޝަހީމް އަލީ ސަޢީދު، ވިދާޅުވީ މި ފަދަ މަސައްކަތްތަކަކީ އެ ވުޒާރާއާއި ސައޫދީ ސަރުކާރާ ދެމެދު ވެވިފައިވާ އެއްބަސްވުމެއްގެ ދަށުން ކުރިއަށް ގެންދެވޭ މަސައްކަތްތަކެއްކަމަށާއި ކުރިއަށް އޮތް ތަނުގައި ވެސް އިލްމީ އެކި މަސައްކަތްތައް ކުރިއަށް ގެންދިއުމާއި، އެކި ދިރާސާ ކުރުމުގެ އިތުރަށް އިސްލާމީ ހިދުމަތުގައި އެކި މަސައްކަތްތައް ކުރިއަށްގެންދާ ގޮތަށް ހަމަޖެހިފައިވެއެވެ.