ޔޫކްރެއިންގެ ވައިގެ ބަނދަރުތަކަކަށް ރަޝިއާއިން ހަމަލާދީފި
ހުޅަނގުގެ ގައުމުތަކުން ދޭ ބޯޓުފަހަރު ބޭނުން ކުރުމަށް ޚާއްސަ ކޮށްފައިވާ ތަންތަން ކަމަށް ރަޝިއާ އިން ބުނެއެވެ.
ރަޝިއާގެ ވައިގެ ސިފައިންގެ މިގް-31ކޭ ޖެޓަކުން ރަޝިއާގެ މޮސްކޯގައި ބޭއްވި ވިކްޓްރީ ޑޭ މިލިޓަރީ ޕެރޭޑްގެ ތެރެއިން ހައި-ޕްރިސިޝަން ހައިޕަސޮނިކް އެރޯ ބެލިސްޓިކް މިސައިލް ކޭއެޗް-47އެމް2 ކިންޒަލް ހިފައިގެން
ޔޫކްރެއިންގެ ވައިގެ ބަނދަރުތަކަކަށް ރަޝިއާ އިން ހަމަލާ ދީފި ކަމަށް އެ ގައުމުން ބުރާސްފަތި ދުވަހު ބުނެފިއެވެ.
ރަޝިއާގެ ދިފާއީ ވުޒާރާ އިން ބުނީ އެ ތަންތަނަކީ ހަނގުރާމައިގައި ބޭނުން ކުރަން ހުޅަނގުގެ ގައުމުތަކުން ޔޫކްރެއިންނަށް ދޭ ބޯޓުފަހަރު ބޭނުން ކުރުމަށް ޚާއްސަ ކޮށްފައިވާ ތަންތަން ކަމަށެވެ.
ހަމަލާގައި މިސައިލް އާއި ޑްރޯން ބޭނުން ކުރި ކަމަށް ރަޝިއާ އިން ބުނެފައި ވެއެވެ.
ދިފާއީ ވުޒާރާ އިން ބުނީ ކަނޑައެޅި ހުރިހާ ޓާގެޓްތަކަށް ހަމަލާތައް ވާސިލްވި ކަމަށެވެ. އެހެން ނަމަވެސް ހަމަލާދިން ތަންތަނުގެ ތަފްސީލެއް ރަޝިއާ އިން ހާމަ ކޮށްފައެއް ނުވެއެވެ.
