"ކޮމިއުނިޓީ އަރބަން ފަރމިން"ގެ ދަށުން ޚާއްސަ އެހީއަށް ބޭނުންވާ ފަރާތްތަކާއި ޒުވާނުންނަށް ފުރުސަތު ހުޅުވާލައިފި
ބިން ބޭނުންވާ މީހުން، ޖޫން 12 ދުވަހުގެ ކުރިން އެޕްލިކޭޝަން ފޯމް ހުށަހަޅަން ޖެހޭ
ހައުސިން ޑިވަލޮޕްމަންޓް ކޯޕަރޭޝަން (އެޗްޑީސީ)
"ރަށްވެހި ދަނޑުވެރިކަން" ނުވަތަ "ކޮމިއުނިޓީ އަރބަން ފަރމިން" މަޝްރޫޢު އިން ބިން ކުއްޔަށް ގަތުމަށް ޝައުގުވެރިވާ ފަރާތްތަކަށް ފޯމު ހުށަހެޅުމުގެ ފުރުސަތު ހުޅުވާލައިފިއެވެ.
އެކަމާއި ގުޅޭ ގޮތުން އެޗްޑީސީގެ އޮފިޝަލަކު ރާއްޖެ އެމްވީ އަށް ވިދާޅުވީ ފުރުސަތު ހުޅުވާލާފައި ވަނީ ޒުވާނުންނާއި ޚާއްސަ އެހީއަށް ބޭނުންވާ ފަރާތްތަކަށް ކަމަށެވެ. އަދި އެ ކެޓަގަރީތަކުން ބިން ބޭނުންވާ ފަރާތްތަކަށް ފޯމް ހުށަހެޅުމުގެ ފުރުސަތު އަންނަ ޖޫން މަހުގެ ނިޔަލަށް ހުޅުވާލާފައިވާ ކަމަށް އެނާ ވިދާޅުވިއެވެ. އެ މަޝްރޫޢުގެ ދަށުން، ޒުވާނުންނާއި ޚާއްސަ އެހީއަށް ބޭނުންވާ މީހުންގެ ކެޓަގަރީ އިން ބިން ބޭނުންވާ މީހުން، sales@hdc.mv އަށް ޖޫން 12ގެ 23:59ގެ ކުރިން އެޕްލިކޭޝަން ފޯމާއި އެކު ހުށަހަޅަން ޖެހޭ ލިޔެކިޔުންތައް ފޮނުވުން ޖެހެއެވެ.
މީގެ އިތުރުން މި މަޝްރޫޢު އާއި ބެހޭ އިތުރު މައުލޫމާތު އެ ކުންފުނީގެ ވެބްސައިޓުން ލިބެން ހުންނާނެ ކަމަށް ވަނީ ބުނެފައެވެ. އަދި 3353535 އަށް ގުޅައިގެން މައުލޫމާތު ސާފުކުރުމުގެ ފުރުސަތު އޮންނާނެ ކަމަށް ވެސް ވަނީ ބުނެފައެވެ.
