ގެއްލިގެން ހޯދަމުން ދިޔަ އުމުރުން 14 އަހަރުގެ ޢާއިޝަތު ޒޯޔާ ފިކުރީ ފެނިފައިވާ ކަމަށް ފުލުހުން ބުނެފި އެވެ.
އާއިލާއަށް އޭނާގެ ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ، އެކުއްޖާ ހޯދުމުގެ މަސައްކަތް ފުލުހުން ކުރަމުން ދަނިކޮށް، ކުއްޖާ ފެނިފައިވަނީ ހޮނިހިރު ދުވަހުގެ ރޭގެ ވަގުތެއްގައި މާލެއިން ކަމަށް ފުލުހުން ބުނެފައިވެއެވެ. ފުލުހުން ބުނީ އެކުއްޖާގެ ހާލު ރަނގަޅު ކަމަށާއި، ކަމާއި ގުޅުން ހުރި އިދާރާތަކާ ގުޅިގެން ބަލަންޖެހޭ ކަންކަން ބަލަމުން ދާކަމަށެވެ.
ފުލުހުން އޭނާ ހޯދަން އޭރު ކުރި އިއުލާނުގައި ބުނެފައި ވަނީ ތ. މަޑިފުށި / ނައިޓްރޯސް، ޢާއިޝަތު ޒޯޔާ ފިކުރީ މިހާރު ދިރިއުޅެމުންދަނީ ވ. ނާލިސްގައި ކަމަށެވެ. ގެއްލިގެން އާއިލާއިން ރިޕޯޓް ކުރި އިރު، ޢާއިޝަތު ޒޯޔާ ފިކުރީ އެންމެ ފަހުން ފެނިފައިވަނީ މެއި 21 ވަނަ ދުވަހު އޭނާ ދިރިއުޅޭ ގެއިންނެވެ.
