މޯލްޑިވްސް ނޭޝަނަލް ޑިފެންސް ފޯސް (އެމް.އެން.ޑީ.އެފް) އިން ކުރިއަށް ގެންދާ އަސްކަރީ ތަމްރީނުތަކެއް 2024 މޭ 23 ވަނަ ދުވަހުގެ 18:15 އިން 21:00 އަށް  ކ.ގިރިފުށީގައި ކުރިއަށް ގެންދިއުމަށް ހަމަޖެހިފައިވާކަމަށް ޑިފެންސް މިނިސްޓްރީން ބުނެފިއެވެ.

މިނިސްޓްރީން ބުނީ، މި ތަމްރީނުތަކުގައި ކ. ގިރިފުށީގެ ހުޅަނގު ދެކުނަށްވާ ވައިގެ ސަރަހައްދު ބޭނުންކުރުމަށް ހަމަޖެހިފައިވާ ކަމަށާއި، ތަމްރީނުގައި ބޭނުންކުރާ ހަތިޔާރަކީ ރައިފަލް ކަމަށެވެ.

އަދި ތަމްރީނުގެ ބޭނުމަށް ވައިގެ ސަރަހައްދު ބޭނުންކުރާނެ އެންމެ ދުރުމިނަކީ 3000 މީޓަރު ކަމަށާއި، އެންމެ އުސްމިނަކީ 300 މީޓަރުކަމަށްވެސް ބުނެފައިވެއެވެ.

އެހެންކަމުން މި ސަރަހައްދުން ކަނޑުދަތުރުފަތުރުކުރާ ފަރާތްތަކުން މިކަމަށް ސަމާލުކަން ދިނުމަށް އެމްއެންޑީއެފުން އެދިފައިވެއެވެ.