ގެއްލިގެން ހޯދަމުންދާ ދޯންޏާ ގުޅިއްޖެ: އެމްއެންޑީއެފް

ކ.ތިލަފުށިން ދަތުރުކުރަނިކޮށް ގެއްލިގެން ހޯދަމުން އަންނަ ދޯންޏާ ގުޅިފައިވާކަމަށް އެމްއެންޑީއެފުން ބުނެފިއެވެ.

އެމްއެންޑީއެފުން ބުނީ، ދޯންޏާ ގުޅިފައިވާ ކަމަށާއި، ކޯސްޓްގާޑުގެ ޝަހީދުއަލީ އެ ދިމާއަށް މިސްރާބު ޖަހާފައިވާ ކަމަށެވެ. އިތުރު މައުލޫމާތު ލިބެމުންދާ ވަރަކަށް ހިއްސާކުރާނެ ކަމަށް އެމްއެންޑީއެފުން ބުނެއެވެ.

ގެއްލުނު ދޯނިން ދަތުރުކުރަމުން ދިޔައީ ބަންގްލަދޭޝްގެ 3 މީހުންނާއި ދިވެއްސަކާއެކު ޖުމްލަ 4 މީހުންނެވެ.

އެމްއެންޑީއެފުން ބުނީ ތިލަފުށިން ފުރިފަހުން ޚަބަރެއް ނުވެގެން "l AAA 37" މުދާ އުފުލާ ދޯނި ހޯދުމަށް އެމްއެންޑީއެފް ކޯސްޓްގާޑުން ކުރިއަށްގެންދާ އޮޕަރޭޝަންގައި އާދިއްތަ ދުވަހުގެ ނިޔަލަށް ކަނޑާއި ވައިގެމަގުން 6240 ސްކެއަރ ނޯޓިކަލް މޭލު ސަރަހައްދެއް ބަލާފައިވާ ކަމަށެވެ.