އީސަގެ ބަންދަށް ފަސްދުވަސް ޖަހާއިފި
6 އޯގަސްޓު 2017 | އާދީއްތަ 12:45ދެން ތިބި މީހުން ވަނީ ދޫކޮށްލާފައި
އީސަ ބަންދުގެ މުއައްދަތު އިތުރުކުރުމަށް ކޯތަށް ހާޒިރު ކުރަނީ
ގުޅިފައިވާ ސިޔާސީ ޕާޓީތަކުން ހޮނިހިރު ދުވަހުގެ ރޭ ކުރި މުޒާހަރާގެ ތެރެއިން ހައްޔަރުކުރި ކުރީގެ ކެނދިކުޅަދޫ ދާއިރާގެ ރައްޔިތުންގެ މަޖިލީހުގެ މެމްބަރު އަހުމަދު އީސަގެ ބަންދަށް ފަސް ދުވަހަސް ޖަހައިފިއެވެ.
މާލޭގެ ބައެއް މަގުތަކުގައި ރައީސް އަބްދުﷲ ޔާމީންގެ އިސްތިއުފާއަށް ގޮވާލާއި ކުރިއަށްގެންދިޔަ މުޒާހަރާގެ ތެރެއިން ހައްޔަރުކުރީ އެމްޑީޕީގެ ޤައުމީ މަޖިލީހުގެ މެމްބަރު އީސަގެ އިތުރުން ބ އަތޮޅު ކައުންސިލްގެ ކުރީގެ ރައީސް އާދިލްގެ އިތުރުން އެމްޑީޕީގެ އާންމު މެމްބަރަކެވެ. އީސަގެ ބަންދަށް ފަސްދުވަހަށް ޖެހީ އާދީއްތަ ދުވަހު މެންދުރު ބަންދުގެ މުއްދަތު އިތުރުކުރުމަށް ކްރިމިނަލް ކޯޓަށް ހާޒިރުކުރުމުނެވެ.
ގުޅިފައިވަ ސިޔާސީ ޕާޓީތަކުން ފަހަކަށް އިއިސް ، ކޮންމެ ރެއަކު މާލެގެ ބައެއް މަގުތަކުގައި ދަނީ މުޒާހަރާ ކުރަމުނެވެ. މީގެ ކުރިން މުޒާހަރާގެ ތެރެއިން މީހުން ހައްޔަރުކުރުމަށް ފަހު، މުޒާހަރާ ނިންމާލުމާއި އެކު ދޫކޮށްލައެވެ.
އީސަގެ އިތުރުން އެމްޑީޕީގެ ދެ މެމްބަރުން ހައްޔަރުކުރުމުން އެޕާޓީގެ ރައީސް އަދި ކުރީގެ ރައީސް މުހައްމަދު ނަޝީދު ވަނީ އެމީހުން ދޫކޮށްލުމަށް ގޮވާލާފައްވާފައެވެ. އަދި ސުލްހަވެރިކަމާއި އެކު ސިޔާސީ ހަރަކާތް ހިންގުމަކީ ކުށެއް ނޫން ކަމަށް ރައީސް ނަޝީދު ވިދާޅުވިއެވެ.
