އެޗްވަންއެންވަން އާ ގުޅޭ ގޮތުން ރައްޔިތުންގެ ހިއްތަކުގައި ބިރުވެރިކަން އުފައްދާ ކަަމަށް ތުހުމަތުކޮށް ތޮއްޔިބްގެ ބަންދަށް އަށް ދުވަސް
މީގެކުރިން ފުލުހުން ވަނީ ކޯޓް އަމުރެއްގެ ދަށުން ތޮއްޔިބްގެ ފޯނު އަތުލާފަ
ސޯޝަލް މީޑިއާ އެކްޓިވިސްޓް ތޮއްޔިބް
މިހާރު ރާއްޖޭގައި ގެރުތުރެމުންދާ އެޗްވަންއެންވަން ވައިރަސް އާ ގުޅޭ ގޮތުން ރައްޔިތުންގެ ހއތަކުގައި ވިރުވެރިކަން އުފެދޭ ގޮތަށް ވާހަކަ ދައްކާ ކަމަށް ބުނެ ސޯޝިލަމް މީޑީއާ އެކްޓިވިސްޓް ތޮއްޔިބް ޝަހީމްގެ ބަންދަށް އަށް ދުވަސް ކްރިމިނަލް ކޯޓުން ހުކުރު ދުވަހު ޖައިފިއެވެ.
ރާއްޖެއެމްވީ އަށް މައުލޫމށާތު ދެއްވަމުން ތޮއްޔިބްގެ ގާނޫނީ ވަކީލް މަހުފޫޒް ސައީދު ވިދާޅުވީ ތޮއްޔިބްގެ މައްޗަށް ކޮށްފައިވާ ތުހުމަތަކީ ސޯޝަލް މީޑިއާގައި އެޗްވަންއެންވަންއާ އެހެނިހެން ކަންތައްތަކާ ގުޅޭ ގޮތުން ރައްޔިތުންގެ ހިއްތަކުގައި ބިރުވެރިކަން އުފެދޭ ގޮތަށް ވާހަކަތައް ދައްކައި، ފަތުރަމުންދާ ކަމުގެ ތުހުމަތު ކަމަށެވެ.
މަހުފޫޒް ވިދާޅުވީ ތޮއްޔިބްގެ މައްޗަށް އެ ތުހުމަތު ފުލުހުން ކުރި ނަމަވެސް އެޗްވަންއެންވަންއާ ގުޅޭ ގޮތުން ރައްޔިތުންގެ ހިއްތަކުގައި ބިރުވެރިކަން އުފެދޭ ގޮތަށް ތޮއްޔިބް ކޮށްފައިވާ ޓްވީޓެއް ނުވަތަ ސޯޝަން މީޑިއާގައި ދައްކާފައިވާ ވާހަކައެއް ފުލުހުންނަށް ދެއްކިފައި ނުވާ ކަމަށެވެ. އަދި ރައްޔޕތުންގެ ހިއްތަކުގައި ބިރުވެރިކަން އުފެއްދުމަށް ތޮއްޔިބް ދައްކާފައިވާ އެހެނިހެން ވާހަކަތަކަކީ ކޮބައިކަން ވެސް ފުލުހުންނަށް ބުނެެދެވިފައި ނުވާ ކަމަށް މަހުފޫޒް ވިދާޅުވިއެވެ.
ސަރުކާރުން ހިންގާ އެކި ކަންކަމާއި ގުޅޭ ބައެއް މައުލޫމާތުތައް ހާމަކުރުމުގައި ހަރަކާތްތެރިވާ ވިސްލްބްލޯވާ ތޮއްޔިބު ފުލުހުންގެ ބެލުމުގެ ދަށަށް ގެންގޮސްފައި ވަނީ ބުރާސްފަތި ދުވަހުގެރޭގެ މެންދަމުގެ ވަގުތެއްގައެވެ. ތޮއްޔިބަކީ ކުރިން ނޫސްވެރިއެއްގެ ގޮތުގައި ހަރަކާތްތެރިވެފައިވާ ފަރާތެކެވެ.
ބުރާސްފަތި ދުވަހުގެރޭ ފުލުހުންގެ ބެލުމުގެ ދަށަށް ޠައްޔިބު ގެންގޮސްފައިވާއިރު، އަންގާރަ ދުވަހުން ފެށިގެން އޭނާ ދަނީ، ސަރުޚާރުން ފ. އަތޮޅާއި ގުޅޭގޮތުން ސައުދީ ޝާޙި އާއިލާ އާއި އެކު ހަދާފައިވާ ޑިލާ ގުޅޭ ގޮތުން ވަރަށް ގިން ޓްވީޓްތައް ކުރަމުންނެވެ. އަދި މި ޑީލްއާ ބެހޭ ގޮތުން ވިލިމާލެ ދާއިރާގެ މެންބަރު އަހްމަދު ނިހާން ހަސަން މަނިކު ކަމަށް ބެލެވޭ މީހަކު ދައްކާފައިވާ ހަކަތަކުގެ ލީކްވެފައިވާ އޯޑިއޯއާ ބެހޭ ގޮތުން ވެސް ތޮއްޔިބު ވަނީ ގިނަ ޓްވީޓްތަކެއް ކޮށްފައެވެ. މީގެ ކުރިން މި މަހުގެ ކުރީކޮޅު ވެސް ތޮއްޔިބް ވަނީ ފުލުހަށް ހާޒިރުކޮށްފައެވެ. އަދި ކޯޓު އަމުރެއްގެ ދަށުން އޭނާގެ ފޯނު އަތުލާފައި ވެއެވެ. ތޮއްޔިބްގެ އިތުރުން ސޯޝަލް މީޑިއާ އެކްޓިވިސްޓް ޝައްމޫން ޖަލީލް (ލޫޖަސް ޖަލީލް)ގެ ފޯނު ވެސް ފުލުހުން ވަނީ ކޯޓު އަމުރެއްގެ ދަށުން އަތުލާފައެވެ.
