ރާއްޖެ
ސިހުރުހެދުން
ވިލިނގިލީގައި ސިހުރުހެދިކަމަށް ބުނާ މައްސަލައެއް ބަލަނީ
އެ މައްސަލަ މިހިނގާ އޭޕްރީލް މަހުގެ 10 ވަނަ ދުވަހުގެރޭ ހުށަހަޅާފައިވޭ
ލައިޝާ އަހްމަދު, ރާއްޖެ އެމްވީ | 13 އެޕްރީލު 2024 | ހޮނިހިރު 10:46
ގއ. ވިލިނގިލި
ގއ ވިލިނގިލީގައި ސިހުރު ހެދިކަމަށް ބުނާ މައްސަލައެއް ދިވެހި ފުލުހުންގެ ޚިދުމަތުން ތަހުގީގު ކުރަން ފަށައިފިއެވެ.
ފުލުހުން ބުނީ، ވިލިނގިލީގައި ސިހުރު ހަދާ ކަމަށް ބުނާ މައްސަލަައެއް މިހިނގާ އޭޕްރީލް މަހުގެ 10 ވަނަ ދުވަހުގެރޭ ހުށަހަޅާފައިވާ ކަމަށެވެ.
އެހެންނަމަވެސް މި މައްސަލައާ ގުޅިގެން މިހާތަނަށް އައިއިރު މީހަކު ހައްޔަރުކޮށްފައި ނުވާ ކަމަށް ފުލުހުން މައުލޫމާތު ދެއެވެ.
ރާއްޖޭގެ އެކިއެކި ހިސާބުގައި ދޭތެރެ ދޭތެރެއިން ސިހުރު ހަދާ މައްސަަލަ ބޮޑުވެ، ފުލުހުން އެމައްސަލަތައް ތަހުގީގުކޮށްފައިވެއެވެ. އަދި ބައެއް ގެތަކުން ސިހުރު ހަދަން ބޭނުން ކުރާ ފޮތްތަކާއި، ސާމާނުތައް ފުލުހުން ހޯދާފައިވެއެވެ.
