އެސްއޯ އޮޕަރޭޝަންތަކަށް ސީޕީގެ ހުއްދަ ހޯދަން ސަރުކާރުން އަންގައިފި
މި ރިޕޯޓާ ގުޅިގެން ރައީސުލްޖުމްހޫރިއްޔާ ވަނީ 5 ފިޔަވަޅެއް ވަގުތުން ވަގުތަށް އެޅުމަށް ހޯމް މިނިސްޓަރ މެދުވެރިކޮށް ސީޕީ އަށް އަންގަވާފައި
ސީޕީ އަލީ ޝުޖާއު
ސްޕެޝަލިސްޓް އޮޕަރޭޝަންސް(އެސްއޯ)ގެ ފުލުހުން ހަރަކާތްތެރިވާންޖެހޭ އޮޕަރޭޝަނަލް ހާލަތްތަކަށް ނެރޭއިރުގައި ކޮމިޝަނަރ އޮފް ޕޮލިސް (ސީޕީ)ގެ ސީދާ ހުއްދައިގެ ދަށުން މެނުވީ އެކަން ނުކުރުމަށް ސަރުކާރުން ފުލުހުންނަށް އަންގައިފިއެވެ.
އެގޮތަށް ސަރުކާރުން ފުލުހުންނަށް އަންގާފައިވަނީ ޣިޔާސުއްދީން ސްކޫލްގައި ކުރީގެ ރައީސް އަބްދުﷲ ޔާމީން އިސްވެހުންނަވާ އުފައްދަވަން މަސައްކަތްކުރާ ޕީއެންއެފް އުފެއްދުމުގެ ޖަލްސާ ބޭއްވުމަށް ފުލުހުންގެ ފަރާތުން ކުރިމަތިކުރި ހުރަސްތަކުގެ ސަބަބުން އެކަން ހިނގާދިޔަގޮތުގެ ރިޕޯޓް ރައީސުލްޖުމްހޫރިއްޔާ ރިވިއުކުރުމަށްފަހުއެވެ. ރައީސް ވިދާޅުވެފައިވަނީ ޣިޔާސުއްދީން ސްކޫލްގައި ޕީއެންއެފް އުފެއްދުމަށް ކުރިޔަށްދިޔަ ޖަލްސާއަށް ފުލުހުން ހުރަސްއަޅާފައިވަނީ އެފަދަ ކަންކަން ނުކުރުމަށް ފުލުހުންނަށް އެމަނިކުފާނު އިރުޝާދު ދެއްވާފައިވަނިކޮށްކަމަށެވެ. އަދި އެކަން ހިނގިކަން އޭރު އެނގިވަޑައިނުގަންނަވާކަމަށެވެ.
އެކަން ހިނގާދިޔަ ގޮތުގެ ރިޕޯޓް ބުދަ ދުވަހުގެ އިރުއޮއްސި 6 ޖެހުމުގެ ކުރިން ރައީސަށް ފޮނުވުމަށް ވަނީ އަންގާފައެވެ. ރިޕޯޓް ރިވިއުކުރުމަށްފަހު މިނިސްޓްރީ އޮފް ހޯމް ލޭންޑް ސެކިޔުރިޓީ އެންޑް ޓެކްނޮލޮޖީން ނެރުނު ނޫސްބަޔާނުގައި ބުނެފައިވަނީ މި ރިޕޯޓާ ގުޅިގެން ރައީސުލްޖުމްހޫރިއްޔާ ވަނީ 5 ފިޔަވަޅެއް ވަގުތުން ވަގުތަށް އެޅުމަށް ހޯމް މިނިސްޓަރ މެދުވެރިކޮށް ސީޕީ އަށް އަންގަވާފައިކަމަށެވެ.
އެގޮތުން އަޅުއްވަން އެންގެވި ފިޔަވަޅު ތަކަކީ:
ރައީސް މުއިއްޒު ވިދާޅުވެފައިވަނީ އެކަން ހިނގިއިރު އެމަނިކުފާނު އުޅުއްވީ ކެމްޕެއިން ދެ އިވެންޓެއްގައިކަމަށާއި އެކަން ހިނގިކަން އެނގިވަޑައިގަތީ ނޫހުން ފޮޓޯ ފެނުމުންކަމަށެވެ.
ރައީސް މިމޭރުމުން ވާހަކަދެއްކުވުމުން ޕީއެންއެފްގެ ސެނެޓަރ ޑރ. މުހައްމަދު ޖަމީލް އަހުމަދު ވިދާޅުވީ އީ ކަނޑައެޅިގެން ޑެމޭޖް ކޮންޓްރޯލް ކުރެވޭތޯ ހަދާ ބުހުތާނު ދޮގުތަކެއް ކަމަށެވެ. އަދި ސަރުކާރުން ކަންތައް ކުރީ ދުރާލާ ރާވައިގެން ކަމަށެވެ. އެގޮތުން ސްޓެލްކޯއިން ކަރަންޓް ނުދިނުމާއި، އެޑިއުކޭޝަން މިނިސްޓްރީން ޣިޔާސުއްދީނަށް ބިރު ދައްކާ އިންޒާރު ދިން ކަމަށާއި، އެކަންތައް މުޅިދުވަހު ތަކުރާރު ކުރަމުން ދިޔަ ކަމަށެވެ.
