މާފަރު އެއާޕޯޓުގައި ސިޓީ ހޮޓަލެއް ތަރައްގީކޮށް ހިންގުމަށް ޝައުގުވެރިވާ ކުންފުނިތަކަށް އެފުރުސަތު ހުޅުވާލާފައިފި
30 މާރިޗު 2024 | ހޮނިހިރު 09:24މާފަރު އެއާޕޯޓުގައި އެޅުމަށް ނިންމާފައިވަނީ 50 ކޮޓަރީގެ ސިޓީ ހޮޓަލެއް
މާފަރު އެއަރޕޯޓް-
މާފަރު އިންޓަނޭޝަނަލް އެއާޕޯޓުގައި ސިޓީ ހޮޓަލެއް ތަރައްގީކޮށް ހިންގުމަށް ޝައުގުވެރިވާ ކުންފުނިތަކަށް އެފުރުސަތު ހުޅުވާލާފައިފިއެވެ.
އައިލޭންޑް އޭވިއޭޝަނުން ބުނީ މާފަރު އިންޓަނޭޝަނަލް އެއާޕޯޓުގައި ސިޓީ ހޮޓަލެއް ތަރައްގީކޮށް ހިންގުމަށް ޝައުގުވެރިވާ ކުންފުނިތަކަށް އެފުރުސަތު ހުޅުވާލާފައިވާ ކަމަށެވެ. މާފަރު އެއާޕޯޓުގައި އެޅުމަށް ނިންމާފައިވަނީ 50 ކޮޓަރީގެ ސިޓީ ހޮޓެކެވެ.
އައިލޭންޑް އޭވިއޭޝަނުން ބުނީ މާފަރު އިންޓަނޭޝަނަލް އެއާޕޯޓުން ބައިނަލްއަގްވާމީ އަދި އެތެރޭގެ ދަތުރުތަކުގެ ޚިދުމަތް ފޯރުކޮށްދޭއިރު، މިފަދަ ހޮޓެލެއް ހުރުމަކީ ވަރަށް މުހިންމު ކަމެއް ކަމަށާއި، އެކަމުގެ ސަބަބުން ފަތުރުވެރިކަމުގެ ވިޔަފާރިއަށް އިތުރު ކުރިއެރުން ލިބޭނެ ކަމަށެވެ.
ސިޓީ ހޮޓާ ތަރައްގީ ކުރަން ބޭނުންވާ ކުންފުނިތަކަށް އެފުރުސަތު ހުޅުވާލާފައިވާއިރު، ހުށަހަޅާ ޕްރޮޕޯސަލްގައި އައިލެންޑް އޭވިއޭޝަން ސާވިސަސް ލިމިޓެޑަށް ވެސް ލިބޭނެ ފައިދާތައް ބަޔާންކުރުމަށް އެދިފައިވެއެވެ.
އައިލެންޑް އޭވިއޭޝަނުން ބުނީ ޝައުގުވެރިކަން ފާޅުކުރާ ކުންފުނިތަކަށް މައުލޫމާތު ސެޝަނަށް ހާޒިރުވުމަށް ދައުވަތުދޭނެ ކަމަށާއި، ވަގުތާއި ތަން މެއިލް މެދުވެރިކޮށް އަންގާނެ ކަމަށެވެ.
މިކަމަށް ޝައުގުވެރިވާ ފަރާތްތަކުން 'އެކްސްޕްރެޝަން އޮފް އިންޓަރެސްޓް (އީއޯއައި) އެޕްލިކޭޝަން ފޯމް' ފުރުމަށްފަހު 21 އޭޕްރީލް 2024ވާ އާދިއްތަ ދުވަހުގެ މެންދުރުފަހު 2:00ގެ ކުރިން އީމެއިލް ކުރުމަށް ވަނީ އެދިފައެވެ.
