ގެއްލިގެން ހޯދަމުން ދިޔަ ޒުވާނާ ފެނިއްޖެ
ގެއްލިގެން ހޯދަން އިއުލާން ކުރީ އަންގާރަ ދުވަހުގެރޭ 20:33 ގައި
ޙުސައިން މަޚްތޫމް | 27 މާރިޗު 2024 | ބުދަ 06:52
އަކްރަމް ޢަދީލް ސަޢީދު (25އ)
ގެއްލިގެން ހޯދަމުން ދިޔަ މީހާ ފެނިއްޖެއެވެ.
ފުލުހުން ބުނީ ގެއްލިގެން ރިޕޯޓްކުރުމާ ގުޅިގެން ހޯދަމުންދިޔަ މާލެ، މއ. ޕެރީހީލިއަން، އަކްރަމް ޢަދީލް ސަޢީދު (25އ) ރޭގެ ވަގުތެއްގައި ހުޅުމާލެއިން ފެނިފައިވާ ކަމަށެވެ. އިތުރު ތަފްސީލެއް ހާމައެއް ނުކުރެއެވެ.
އޭނާ ގެއްލިގެން ހޯދަން ފުލުހުން އިއުލާން ކުރީ އަންގާރަ ދުވަހުގެ ރޭ 20:33 ގައެވެ. ނަމަވެސް ރޭގެ ވަގުތެއްގައި އޭނާ ފެނިފައިވާއިރު، ފުލުހުން އެ މައުލޫމާތެއް މީޑިއާއަކާއި ހިއްސާކޮށްފައި ނުވެއެވެ. އަދި ބުދަ ދުވަހުގެ ހެނދުނު ފުލުހުންނާއި ސުވާލުކުރުމުން 10:31 ގައި ބުނެފައިވަނީ އަންގާރަ ދުވަހުގެ ރޭ އޭނާ ފެނިފައިވާ ކަމަށެވެ.
އަކްރަމް ޢަދީލް ސަޢީދު ހޯދަން ފެށީ 23 ވަނަ ދުވަހުން ފެށިގެން ހަބަރެއް ނުވާތީއެވެ.
