ކޮމިޝަނަރު ޖެނެރަލް އޮފް ޓެކްސޭޝަންގެ މަގާމަށް ޔަޒީދު އައްޔަންކުރުމަށް މަޖިލީހަށް ފޮނުވައިފި
އެ މަޤާމަށް އައްޔަންކުރުމަަށް ރައީސް މުއިއްޒު ފޮނުއްވާފައިވާ ނަންތައް ދިރާސާކުރަން މިހާރު ވަނީ އިގުތިސާދީ ކޮމިޓީއަށް ފޮނުވައިފަ
ޔަޒީދު
ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ވެރިކަމުގައި ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމުގައި ހުންނެވި ޔަޒީދު މުހައްމަދުގެ ނަން ހިމެނޭހެން އެ މަޤާމަށް ބޭފުޅަކު އައްޔަންކުރުމަށް މަޖިލީހަށް ފޮނުވައިފިއެވެ.
ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމަށް މީހަކު އައްޔަން ކުރަނީ ކުރިން އެ މަޤާމުގައި ހުންނެވި ފަތުހުﷲ ޖަމީލް މަޤާމުން އިސްތިއުފާ ދެއްވުމާއި ގުޅިގެންނެވެ. އޭނާ އިސްތިއުފާ ދެއްވާފައި ވަނީ މިދިޔަ މަހުގެ 1 ވަނަ ދުވަހުއެވެ. އެހެންކަމުން އެ މަޤާމަށް މީހަކު އައްޔަންކުރުމަށް އާއްމުކޮށް އިއުލާންކުރުމުން އިޖާބަދިން މީހުންގެ ތެރެއިން ރައީސް އިސްކަން ދެއްވާ ތަރުތީބުން އެ ބޭފުޅުންގެ ނަންތައް މަޖިލީހަށް ވަނީ ފޮނުއްވާފައެވެ. އެ ތަރުތީބަކީ
1. ޔަޒީދު މުހައްމަދު، ވައިޖެހޭގެ، ގއ. ވިލިނގިލި
2. ހަސަން ޒަރީރު، ހުޅުމާލެ، ފްލެޓް ނަމްބަރު ބީ -3-1-ސީ
ޔާމީންގެ ވެރިކަމުގައި މީރާ ހިންގަން ތިބި ދެ ބޭފުޅުންގެ މަގާމު ގެއްލިފައި ވަނީ ސެޕްޓެމްބަރު 3، 2019 ގައި ރައްޔިތުންގެ މަޖިލީހުން ޓެކްސް ނެގުމާ ބެހޭ އިދާރީ ގާނޫނަށް ގެނައި އިސްލާހާއި ގުޅިގެން ކަން ފާހަގަކޮށްލެވެއެވެ. ކޮމިޝަނަރު ކަމަށް އައްޔަންކުރެއްވީ ފަތުހުﷲ އައްޔަންކުރީ އޭގެ ފަހުންނެވެ.
ކޮމިޝަނަރ ޖެނެރަލްކަމަށް މީހަކު އައްޔަންކުރުމަށް ކުރިމަތިލުމުގެ ފުރުސަތު ހުޅުވައިލީ އެ މަހުގެ 20 އިން 21 އަށެވެ. އެ މަޤާމަށް އައްޔަންކުރުމަަށް ރައީސް މުއިއްޒު ފޮނުއްވާފައިވާ ނަންތައް ދިރާސާކުރަން މިހާރު ވަނީ އިގުތިސާދީ ކޮމިޓީއަށް ފޮނުވާފައެވެ.
