މާރާމާރީ ހިންގި މީހަކު ޝަރުތުތަކަކާއެކު ދޫކޮށްލައިފި
އެއީ އުމުރުން 20 އަހަރުގެ ދިވެހި ފިރިހެނެއް
ކްރިމިނަލް ކޯޓް
މާރާމާރީ ހިންގި މައްސަލައެއްގައި ޝަރުތުތަކަކާއެކު މީހަކު ބަންދުން ދޫކޮށްލައިފިއެވެ.
މި މައްސަލާގައި ބަންދުން ދޫކޮށްލާފައިވަނީ އުމުރުން 20 އަހަރުގެ ދިވެހި ފިރިހެނެކެވެ.
ކްރިމިނަލް ކޯޓުން ބުރާސްފަތި ދުވަހު ނެރުނު އަމުރުގައި ބުނެފައިވަނީ، މި މައްސަލައިގައި އޭނާގެ ބަންދާމެދު ގޮތެއް ކަނޑައެޅުމަށް ގެނައި ދެވަނަ ފަހަރު، މި މައްސަލައިގައި ލިބިފައިވާ ހެކިތަކަށް ބަލާއިރު އަމަލީގޮތުން މާރާމާރީ ހިންގުމުގައި ބައިވެރިވިކަމަށް ބެލެވޭ ކޮންމެވެސް މިންވަރެއްގެ ހެކި ހުރިކަމަށެވެ.
ނަމަވެސް، މި މައްސަލައަކީ ޖަމާއަތް ހަދައިގެން ހިންގާފައިވާ އަމަލެއް ކަމަށް ނުބެލެވޭކަމަށެވެ. އަދި، މި މައްސަލައިގައި ހުށަހަޅާފައި ހުރި ހެކިތަކަށް ބަލާއިރު ހެކިންނަށް ނުފޫޒު ފޯރުވުމުގެ އިހްތިމާލު އޮތްކަމަކަށް ބުރަނުވެވޭ ކަމަށް ވެސް އެ އަމުރުގައި ބުނެފައިވެއެވެ.
އެހެންކަމުން، އޭނާ ބަންދުން ދޫކޮށްލާފައިވަނީ ޝަރުތުކުރުމަށްފަހު ކަމަށާއި، އެކަމާމެދު ފުލުހުންގެ އިއުތިރާޒެއް ނެތްކަމަށްވެސް ބުނެފައިވެއެވެ.
