ދައުލަތުގެ ކާރަކަށް އަމިއްލަ ފައިސާ ބޭނުންކޮށްގެން ބަދަލުގެނައުމުން ކޮމިޝަނާ މާނިއުއަށް ފާޑުކިއުން އަމާޒުވެއްޖެ
8 މާރިޗު 2024 | ހުކުރު 12:14މި ކާރަށް ގެނެވުނު ބަދަލަށް ޚަރަދުކުރީ އަމިއްލައަށް ކަމަށް މާނިއު ވިދާޅުވި
ކަސްޓަމްސް ކާރު މޮޑިފައި ކޮށްފައި
ދައުލަތުގެ ކާރަކަށް އަމިއްލަ ފައިސާ ބޭނުންކޮށްގެން ބަދަލުގެނައުމުން ކޮމިޝަނާ ޖެނެރަލް އޮފް ކަސްޓަމްސް ޔޫސުފް މާނިއުއަށް ފާޑުކިއުން އަމާޒުވެއްޖެއެވެ.
ބުރާސްފަތި ދުވަހު މާނިއު 'އެކްސް'ގައި ކުރެއްވި ޕޯސްޓެއްގައި ވިދާޅުވެފައިވަނީ ކަސްޓަމްސްއިން އަލަށް ތައާރަފުކުރަން ހަމަޖެހިފައިވާ "އެންފޯސްމަންޓް އެންޑް ބޯޑާ ޕްރޮޓެކްޝަން ޑިޕާޓްމަންޓް"އަށް ބޭނުންކުރުމުގެ ގޮތުން ކާރަށް ގެނައި ބަދަލެއް ކަމަށެވެ. އަދި މި ގެނައި ބަދަލަކީ ކަސްޓަމްސްގެ އާ ލޯގޯއާ ގުޅުވުމަށްޓަކާ ރަން ކުލައިން އެޅި ފަށަލައެއްކަމަށް މާނިއު ވަނީ ވިދާޅުވެފަ
އެވެ.
މި ކާރުގެ ކުރީބައިގައާއި ކާރުގެ ލޯގޯ، އަދި ފުރޮޅުތައް ވަނީ ރަން ކުލައިން ފަށަލައެއް އަޅާފައެވެ.
މިކަމާ ގުޅިގެން ދައުލަތުގެ ކާރަކަށް ބަދަލު ގެނައުމުން އާއްމު ރައްޔިތުންގެ ފާޑު ވަރަށް ބޮޑަށް އަމާޒުވެފައިވާތީ މާނިއު ވަނީ ފަހުން 'އެކްސް'ގައި ކުރި ޕޯސްޓެއްގައި އާއްމުންގެ ކިބައިން އެކަމަށް މަޢާފަށް އެދިވަޑައިގެންފައެވެ.
މިގޮތުން މާނިއު ފަހުން ކުރެއްވި ޕޯސްޓުގައި ވިދާޅުވެފައިވަނީ މި ކާރަށް ގެނައި ބަދަލު ކުރިން ހުރި ގޮތަށް ބަދަލުކުރާނެކަމަށާ އާއްމުންގެ ކިބައިން މަޢާފަށް އެދޭ ކަމަށެވެ. އަދި މި ކާރަށް ގެނައި ބަދަލަކީ އަމިއްލައަށް ކުރި ޚަރަދެއް ކަމަށާ ދައުލަތުން މިކަމަށް ޚަރަދެއް ކޮށްފައި ނުވާނެކަމަށް މާނިއު ވަނީ ވިދާޅުވެފައެވެ.
ނަމަވެސް، އަމިއްލަ ޚަރަދަކުންވެސް ދަޢުލަތުގެ ކާރަކަށް ބަދަލު ގެނައުމުން އާއްމުންގެ ފާޑުކިއުން އެކަމަށްވެސް ވަނީ އަމާޒުވެފައެވެ.
