އެފްއޭކަޕް ކުއާޓާ ފައިނަލްގައި ލިވަޕޫލާއި މެންޗެސްޓަރ ޔުނައިޓެޑް

އިނގިރޭސި އެފްއޭކަޕް ކުއާޓާ ފައިނަލްގައި ލިވަޕޫލާއި މެންޗެސްޓަރ ޔުނައިޓެޑް ވާދަކުރަން ޖެހިއްޖެއެވެ.

ލިވަޕޫލް ކުއާޓާ ފައިނަލުން ޖާގަ ހޯދީ 3-0 ން ސައުތްހެމްތަން ބަލިކޮށްގެންނެވެ. މެންޗެސްޓަރ ޔުނައިޓެޑް ކުއާޓާގެ ޖާގަ ހޯދީ 1-0 ން ނޮޓިންގހަމް ފޮރެސްޓް ބަލިކޮށްގެންނެވެ. މެންޗެސްޓަރ ޔުނައިޓެޑް މިދިޔަ އަހަަރުގެ ފައިނަލްގައި ވާދަކޮށް މެންޗެސްޓަރ ސިޓީ އަތުން ބަލިވީއެވެ.

ޗެމްޕިއަން މެންޗެސްޓަރ ސިޓީ ކްއާޓާ ފައިނަލްގައި ވާދަކުރާނީ ނިއުކާސަލް ޔުނައިޓެޑާ އެވެ. ސިޓީ ކުއާޓާ އަށް ދަތުރުކުރީ 6-2 ން ލޫޓަން ޓައުން ބަލިކޮށްގެންނެވެ. ނިއުކާސަލް ކުއާޓާގެ ޖާގަ ހޯދީ ބްލެކްބާން ރޯވާރސް ބަލިކޮށްގެންނެވެ. ކުއާޓާ ފައިނަލްގައި ޗެލްސީ ވާދަކުރާނީ ލެސްޓަރ ސިޓީއާއެވެ. ޗެލްސީ ކުއާޓާ ފައިނަލްގެ ޖާގަ ހޯދީ 3-2 ން ލީޑްސް ޔުނައިޓެޑް ބަލިކޮށްގެންނެވެ. އަދި ވުލްވުސް ވާދަކުރާނީ ކޮވެންޓްރީ ސިޓީ އާއެވެ.