ކެލޭހާ އަށް ކްލޮޕްގެ ތައުރީފް
27 ފެބުރުއަރީ 2024 | އަންގާރަ 23:10އެއީ ދުނިޔޭގެ ދެ ވަނަ އަށް އެންމެ މޮޅު ކީޕަރު: ކްލޮޕް
ލިވަޕޫލްގެ ކީޕަރު ކޮއިމްހިން ކެލޭހާ
ލިވަޕޫލްގެ ބަދަލު ކީޕަރު ކޮއިމްހިން ކެލޭހާ އަށް ކޯޗު ޔާގެން ކްލޮޕް ވަރަށް ބޮޑަށް ތައުރީފް ކޮށްފި އެވެ.
ސަބަބަކީ ޗެލްސީ ބަލިކޮށް، ކަރަބޯ ކަޕް ލިވަޕޫލް ހޯދި ފައިނަލް މެޗުގައި ކެލޭހާ ދެއްކި މޮޅު ކުޅުމެވެ. 90 މިނިޓްގައި ލަނޑެއް ނުޖެހި، އިތުރު ވަގުތުގެ ދެ ހާފު ކުޅުނު މެޗުން ލިވަޕޫލް މޮޅުކޮށްދިނުމުގައި ކެލޭހާ ވަނީ ނުރައްކާތެރި ގިނަ ބޯލަތަކެއް ދިފާއުކޮށްފަ އެވެ. ހާއްސަކޮށް ޗެލްސީގެ ކުޅުންތެރިންނަށް ހުސްކޮށް ޖަހަން ލިބުނު ގިނަ ބޯޅަތަކުގެ ހުރަހަކަށްވީ އޭނާ އެވެ.
އުމުރުން 25 އަހަރުގެ ރިޕަބްލިކް އޮފް އަޔަލޭންޑްގެ ކީޕަރު ވަނީ މިދިޔަ ސީޒަނުގައި ވެސް ބައެއް މެޗުތަކުގައި ލިވަޕޫލްގައި މޮޅަށް ކުޅެފަ އެވެ. ނަމަވެސް އެ ޓީމަށް އޮތް ނުތަވަނަސްކަމަކީ މި ސީޒަނަށް ފަހު ކެލޭހާ ކުލަބު ދޫކޮށްލަން ބޭނުންވުމެވެ. މީގެ ސަބަބަކީ ގައުމީ ޓީމުން ޖާގަ ކަށަވަރުކުރުމަށް ގަވާއިދުން ކުޅެވޭނެ ކުލަބަކަށް ބަދަލުވުމެވެ.
ލިވަޕޫލްގައި އެއްވަނަ ކީޕަރުކަން ކުރަމުންދަނީ ބްރެޒިލްގެ ގައުމީ ކީޕަރު އަލިސަން ބެކާ އެވެ. އޭނާ އަށް މިދިޔަ ސީޒަނާއި މި ސީޒަނުގައި ގެއްލުނު މެޗުތަކުގައި ކެލޭހާ ވަނީ މޮޅަށް ކުޅެ ކޯޗުގެ އިތުބާރު ހޯދައިފަ އެވެ.
