ޔުއެފާ ޗެމްޕިއަންސް ލީގުގެ ގަދަ 16 ވަނަ ބުރުގެ ފުރަތަމަ ލެގުގައި އިޓަލީގެ ނަޕޯލީ އާއި ސްޕެއިންގެ ބާސެލޯނާ ބައްދަލު ކުރި މެޗު އެއްވަރުވެގެން ނިމިއްޖެ އެވެ.
ބުދަ ދުވަހުގެ ރޭ ނަޕޯލީގެ އަމިއްލަ ދަނޑުގައި ކުޅުނު މެޗު ނިމުނީ 1-1 އިން އެއްވަރުވެގެންނެވެ. މެޗުގައި ފުރަތަމަ ލަނޑު ޖަހައި ކުރި ހޯދީ ވެސް ބާސެލޯނާ އިންނެވެ. ނަމަވެސް، ފަހުން ނަޕޯލީން ވަނީ ލަނޑު ޖަހައި ނަތީޖާ ހަމަހަމަ ކޮށްފަ އެވެ.
ދެ ވަނަ ހާފުގައި ބާަސެލޯނާ އިން ލީޑު ނެގީ، މެޗުގެ 60 ވަނަ މިނެޓުގަ އެވެ. ސްޕެއިންގެ ޒުވާން ކުޅުންތެރިޔާާ ޕެޑްރީ ތަނަވަސްކޮށްދިން ފުރުސަތެއްގައި ބާސެލޯނާ އަށް ލީޑު ނަގައިދިނީ ޕޮލެންޑުގެ ފޯވާޑް ރޮބާޓް ލެވަންޑޯސްކީ އެވެ. ނަމަވެސް އޭގެ ފަހުން މެޗުގެ 75 ވަނަ މިނެޓުގައި ނަޕޯލީން ނަތީޖާ ހަމަހަމަ ކުރީ ވިކްޓަ އޮސީމެން ޖެހި ލަނޑުންނެވެ. ނަޕޯލީއާ ދެކޮޅަށް ބާސެލޯނާ އިން ވަނީ ލަނޑު ޖަހާނެ ގިނަ ފުރުސަތުތަކެއް ތަނަވަސް ކުރަން މަސައްކަތް ކޮށްފަ އެވެ. ނަމަވެސް ނަޕޯލީގެ ގޯލު ކީޕަރު ވަނީ ގިނަ ބޯޅަތަކެއް ހުއްޓުވައިފަ އެވެ.
ބާސެލޯނާ އާއި ނަޕޯލީ ވާދަކުރާ ދެ ވަނަ ލެގުގެ މެޗު އޮންނާނީ މާޗު މަހުގެ 13 ވަނަ ދުވަހު އެވެ. ޗެމްޕިއަންސް ލީގުގެ ކުއާޓާ ފައިނަަލްގެ ޖާގަ ލިބޭނީ އެ މެޗުން މޮޅުވާ ޓީމަކަށެވެ.
